Lukas 17:30 - Allah Wene Hurumbik Keron

³⁰ Eke ariroho sebag etno hag, fobik An Allahen minduhup naharision etno waruhuk ari sambit ariroho-at suhup-o.

Lukas 17:30 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 24:3

Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:37

Eke An Allahen minduhup naharision etno waruhuk ari, bilin at Nuh weregma suruk apag epmano hag surukmu, waruhuk-o.

Matius 24:39

Kuruk apagma, it nin epmano iken war inabukon etno inapeleg weregma, fobik ik suon etno waharuk wilil, it obog-at seberoho war inapag-o. War inapag ari hag it apheyen ariroho-at surukmu, An Allahen minduhup naharision etno waruhuk-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Markus 13:26

Ariroho suruk heheg, An Allahen minduhup naharision etno hena famen ambik waharuk wilil, suon nalon werehon-at ambik waharukmu hinilanggen neahup-o.

Lukas 17:24

Eke sehenyabog boholmen yibatukmu o seleg atuk etno hag, An Allahen minduhup naharision etno o ari sambit hetnogsoho-at waruhuk-o.

Lukas 17:29

Wilip atuk apagma, boholmen hondok belabik waharuk wilil, it aphe obog war inapag-o.

Lukas 21:22

Eke bilin hurumbik ebahon Alkitab fam wereg etno hag, war inabuhu ari sambit demat seg aruhu-o.

Lukas 21:27

Ariroho suruk amuhupmu, An Allahen minduhup naharision etno hena famen ambik waharuk wilil, suon nalon werehon-at ambik waharukmu inilanggen neahup-o.

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

Kolose 3:4

Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.