Lukas 17:25 - Allah Wene Hurumbik Keron

²⁵ Eke ariroho awan waharuk elegma, bilin it aphe kidia werehon epmanowen ninambit-o ulug uruk atlug, dahon angginon etno nobam umburuk amuhupseg, nowabuhup-o.

Lukas 17:25 ပူးပေါင်းရင်းမြစ်များ

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Markus 10:33

Yig isaruk wilil, “Nit o Yerusalem-at luk-o. Epma laruk nisalug, An Allahen minduhup naharision etno it Allah unde inowesi epmano inim, it wene baleg unde epmano inimen ininggik sen nabuhup-o. Sen naptuk amuhupseg, nowabuog ulug noag deloko it ap Allah wene inapelehon epmano og isahup-o.

Markus 12:10

Alkitab wene baleg etnowen yig nisaruk wilil, “It o faltukon epmanowen helep du dahon-o ulug sohorep isebahon etno, fobik At misihen o isin neken-at lahapfebag-o.

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Markus 9:31

Yig isaruk apareg, eke fobik yanggul isaruk wilil, “An Allahen minduhup naharision etno senoko og naplug laruk amuhupmu, nowabuhup-o. Nowabuhubon oke, ninggik henahanam welatlug niluk aruhuk-o,”

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Lukas 18:33

eke yikangge waroko mondog nowabuhup-o. Nowatuk amuhupmu, ninggik henahanam welaruhukseg, niluk atlug minaruhuk-o,” ulug yig isebag.

Lukas 24:46

“An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Lukas 9:22

yig isaruk wilil, “An Allahen minduhup naharision etno dahon neken nowabuhup-o. It hinowesi epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 12:38

Ariroho welapahon etno at Yesayaen bilin ariroho welamuhup ulug inahurumbik uruk wilil, “Nowe-o, wene anden yig isaruk ahion etno it sandehen eberoko warusa-o? Eke At Ninowe etnowen oag weregsoho sukfugangge inil fam suruk atision epmano it sandehen demat ulug inahla burusa-o?” ulug inahurumbik ebahon epmano demat ebag ulug inahla bukag ulug At Yesus obam ebereheg eleg-at welapag.