Lukas 16:24 - Allah Wene Hurumbik Keron

²⁴ Isaruk apareg, une suon yig isaruk wilil, ‘Nikni Abraham wai. Hahmu niyimin-o. An kidia o hondokma duma wilil olok anggolo haruk ahi du, at Lazarusen inggik dum fam ik yuhuloko nambilik sako ukagsoho nelma belapfik ambik wamagsoho yig imin-o,’ ulug uruk apagma,

Lukas 16:24 ပူးပေါင်းရင်းမြစ်များ

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 3:9

Eke hiren at Abraham ninikni wereg ulug hinahla buk fug-o. At Alla­hen helep du famen Abraham udaki endag inabukon iluk-o.

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Lukas 16:30

eke at ap aharek welapahon etnowen yig ituk wilil, ‘Eleg-o, nikni Abraham wai. Holal ari fam inesanggo holuhup fug-o. At ap waratision misig iluksoho minatlug yig isa watlepmen, it dag surukon epmano sohorep iselep-o,’ ulug yig epag-o.

Lukas 19:9

Yig ituk apagma, At Yesusen yig ituk wilil, “Hat hebe Abraham etamu-at welahen halug, inili warukon etno o yoho hat hobam hombahaki-o.

Lukas 3:8

Hit aphe inindi wereg atuson ilitoho, eke dag ebetuk atukukon epmano sohorep isarukuk ulug bukal amagsoho, suruk amiek-o. Hiren at Abraham ninikni wereg-o ulug uk fug-o. At Allahen helep du famen Abraham udaki endag inabukon iluk-o.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 7:37

Eke fobik esoho ininggik sabiren angge arat esepareg, fobik atog ininggik sirehen angge fam esebukon etno suon-at esebuog ulug surukmu, At Yesus etno minatuk apareg, une suontoho yig isaruk wilil, “It yi aphe di aphe inahik obok werehon halug, An nambeg na waharuk amag-o.

Roma 4:12

Eke it iniyunggul ambilik balehon etno ari fam at Abraham ninikni ulug wereg eleg-o. Eke at ninetamu Abraham iyunggul ambilik awan baleg eleg wilil At Allah obam ebetuk apag etno hag, it iniyunggul ambilik balehon epmano At Allah obam ebetuk isalug, at Abraham ebe inikni neken wereg-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

Yakobus 2:13

Eke ap misihen aphe inabua isaruk elehon halug, At Allahen abua hahu fug-o. Eke inabua isarukon halug, At Allahen abua hahu-o.

Yakobus 3:6

ninambilik fam yi wene di wene uruk ahe oke, alem ari fam dahon epmano obogsoho ninobam ombataruk ahe-o. Eke alem misig du, isinggama yuhun-at sahno umburukmu naruk etno hag, dahon epmano ninambilik fam uruk nisalug, o hondok olokma welamon etno imig saruk ahe-o.

Wahyu 19:20

Ariroho suruk atusa­ma, eke at walo suon etno inim, at nabi aphe inenggal wene uruk amag ulug sukfugangge suruk wilil, it aphe at walo aholal ini­lahoag fam werehon etnowen walo ebe ilitoho sehon etno obam sembahyang ukag ulug sirision etno inim hele waroko it inebe biren etano o hondok olokma hik isarusa-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.