Lukas 16:23 - Allah Wene Hurumbik Keron

²³ Salepfuruk apagma, ebe it aphe warehon wereg ambeg epmano wilil, olok anggolo haruk apag-o. Oloken suruk wilil, ilanggen lahap haruk apagma, o yatma neken at Lazarus etno Abraham inim weregma isebag-o.

Lukas 16:23 ပူးပေါင်းရင်းမြစ်များ

Matius 11:23

Eke hit Kaper­naum aphe du hinabua-o. Hit boholma lahakuk ulug uruk ahep ano? Fobik o hondok olokma-at hinombi­sahaku-o. Eke hit hinanggelegmen sukfugangge sirikikon epmano o Sodom epma inim selemen, o ari mialeg eleg o yoho du oho faleg-at welat­lep-o.

Matius 18:9

Eke hinilanggenen dag suruk ahebon halug, femag fil huliloko umbulug hik isimuk-o. Femag huliloko umbulug hiniluk welam ambeg epma lao ari fano-o. Eke hinilanggen femag femag wereg halug, o hondok olokma hinombisahaku-o,” ulug yig isebag.

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Matius 5:29

Eke hinilanggen bikit filen dag suruk ahebon halug, huliloko im­biek-o. Hulilo­ko umbulug At Allah weregma kuk ari fano-o; eke hinilanggen femag femag wereg halug hondok olokma hinombisa­haku.

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Lukas 16:24

Isaruk apareg, une suon yig isaruk wilil, ‘Nikni Abraham wai. Hahmu niyimin-o. An kidia o hondokma duma wilil olok anggolo haruk ahi du, at Lazarusen inggik dum fam ik yuhuloko nambilik sako ukagsoho nelma belapfik ambik wamagsoho yig imin-o,’ ulug uruk apagma,

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Lukas 8:28

Epmano wilil, At Yesus etno ilanggen haruk apareg, uruk wilil ut wanduksoho Yesus ambeg etano ying atuk apareg, une suon yig ituk wilil, “Hat Yesus Allah boholmon Amloho wai. Hat keroho dag seko nombahiog ulug buruk ahen-o? Haren an nowabuk nowen ulug yig hirihi-o,” ulug yig epag.

1 Korintus 15:55

Eke waratukon alem etno suon-at welapareg oke, kema wereg-o? Eke waratukmu ayeg bal ninaptuk apahon etno kema wereg-o? Mondog eleg atisi-o,” ulug holal embebahon etno demat ilitoho seg atukmu ninilanggen hahuk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.