Lukas 16:15 - Allah Wene Hurumbik Keron

¹⁵ Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 16:15 ပူးပေါင်းရင်းမြစ်များ

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:2

Eke it aphe inaharek elehon epmano dorat og isaruk wilil, hini­nuk suontepfukag ulug binggon une uk fug-o. Eke it inindi demat ulug ebetuk elehon epmano nininuk suontepfukag ulug o Allah wene uruk ambeg epmano inim, kwalema apheyen onggo anggolo hundutuk ambeg epmano inim ariroho suruk-o. It ariroho surukon epmano onggo fanowon etno og isahu fug-o, ulug An demat yig hisaruk ahi-o.

Matius 6:5

At Yesusen yig isaruk wilil, “Hit sembahyang uruk wilil, it aphe inindi demat ulug ebetuk elehon etno ilitoho welam fug-o. It epmano sembahyang o Allah wene uruk ambeg inim, eke kwalem handohalma inim sembahy­ang yaron uruk am inindi-o. It apheyen inilanggen nisawag ulug­-at sembahyang uruk-o. Ari halug onggo fanowon etno og isahu fug-o, ulug An demat yig hisaruk ahi-o.

Lukas 10:29

Yig ituk apagma, at ap wene holal baleg unde etnowen suontepatiog ulug At Yesus yig ituk wilil, “An nomin ari sa-o?” ulug hinog webag.

Lukas 11:39

Wi uruk apagma, At Ninowe etnowen yig ituk wilil, “Hit Farisi ap du eserangge inim, ik oag inim ahap selema ho suruk ahebon oke, hinindi undama hinasine etno wilil, dag-at ebetuk ahep-o.

Lukas 18:11

at Farisi ap etno akeleg-at minatlug sembahyang uruk wilil, ‘Nikni Allah wai, it aphe ninen yi angge di angge herahakeg, inenggal wene eheg, dag seheg suruk epmano hag, an ariroho suruk ahi fuhon etnowen Nikni wa, ulug yig hituk ahi-o. Ari, at ap uang onggo kino urukon duen suruk etno hag anden suruk eleg wilil, Nikni wa ulug yig hituk ahi-o.

Lukas 18:14

Yig ituk apagma, aren an dag suruk ahion ulug yig epag etno fam, At Allahen indi fanorepfebagma, ibam lebag, ulug anden yig hisaruk ahi-o. Halug, at bilin sebag ari hag, it inonggarehen suontepatarukon epmano fobik seberep isahu-o. Eke it inonggarehen seberepatarukon halug, fobik lehep isahu-o,” ulug At Yesusen yig isebag.

Lukas 18:21

Yig ituk apagma, eke at etnowen yig ituk wilil, “Yu-o Nowe. An udag doron heheg, wene etno holtug suruk wilil, nintul nantul ilitoho-at suruk ahi-o.”

Lukas 18:9

Eke fobik it aphe ninen uruk wilil, it aphe nin dag-at suruk oke, nit hag fano mondog welahe-o, ulug inahla buruk apareg weregma,

Lukas 20:20

It epmano bok atuk apareg, o ke sul hele wabuhuk ulug aso wilil, it ap nin nit fano-at welahe-o ulug urukon epmano uang anggen dorat og isebag. Og isaruk apareg, yig isaruk wilil, “At Yesus enggali wabuhuken hiren hinog wak lalihip-o,” ulug yig isaruk apareg, uruk wilil, “Fobik dahan fahan uruk halug, at Gubernur etnowen aren balukag ulug senoko og imuhup-o,” ulug inahla bebag.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Yohanes 2:25

Ariroho ahla beheg eleg weregma, it ninen aphe inobabut duroho wereg ulug yig um hai atuken yig ereheg eleg-at welapag. Ariroho wereg heheg, At Yesus akeleg-at it yi aphe di aphe inahla burukon etno obog-at iluk welapag-o.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Kisah Para Rasul 1:18

Eke at Yudas etno dag sirisimu, uang og ituson etno, it ap suon epmano og isarisimu it etnowen wen amig misig onggo baltusa. Ariroho onggo baltusareg fam, fobik at Yudas etno olohore sahun bule amburuk wilil, ahum supsoho al wilik waharisi-o.

Kisah Para Rasul 1:24

Sembahyang uruk wilil, “Ninikni Allah wa. Yi aphe di aphe inindi burukon Hat hiluk halug, ap biren dia at misig du heako imbihi-o ulug yig nisimin-o.

Kisah Para Rasul 15:8

Eke At Allahen yi aphe di aphe inindi ebetukon epmano iluk wilil, bilin nit Roh Kudus og nisarisi etno hag, it Allah wene waruk elehon inindi fano inabukag ulug Roh Kudus og isarisi-o.

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 8:27

Eke At Allah yi aphe di aphe inindimu ebetukon alem heaharukon etnowen At Roh Kudusen urukon etno inim-at iluk-o. Eke At Roh Kudus etnowen it Allah udaki inake sembahyang uruk wilil, At Allah ahla burukon etno inim ilitoho-at sembahyang uruk-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Petrus 3:4

Ariroho suk fug ulug yig hisihi ari hinindi fanowon welamuhuben ulug yig hisihi-o. Hinobabut fano wilil, hinindi uwa bal bal uruk elegma, At Allah ahien hisaruk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.