Lukas 15:29 - Allah Wene Hurumbik Keron

²⁹ Yig itision oke, at amloho manggia etnowen ikni yig ituk wilil, ‘Eleg-o, an hanggimbu neken wilil, tahun anggolo heyabuk fanoroho surukmu hune yig nitikinon epmano arat holtuk atikik-o. Holtuk atikikon oke, haren nongge og nitikin-o? Eke an nomini ninim esoho esebukag ulug wam kambing misig og nitikin fug-o.

Lukas 15:29 ပူးပေါင်းရင်းမြစ်များ

Matius 20:12

‘It ap fobik yabuk sukag ulug lahap isehenon epmano we jam misig-at yabuk sehesa-o. Eke nit o ilingge mo olok heheg, yabuk sat anggolo seheon oke, haren it ninim ilitoho-at onggo og nisehen-o,’ ulug yig itusa-o.

Lukas 15:28

eke at amloho manggia etnowen asine haruk atisireg, ikni ibam etno kirisi fug-o. Keheg eleg selema weregma, at ikni etno ibamen wilik waharuk atisireg, yig ituk wilil, ‘Hat ninim kulug nulen-o,’ ulug yig itisi-o.

Lukas 15:30

Eke at hamloho fobikon du hag haharek minggiroko og itikinmu, aren it hweap inilag warukon yuhun-at og isarisimu eleg atisi-o. Eleg atuk haruk atisireg, fobik hat hibam hambeg wahama, hanggom sapi fanowon etno esag erehen-o,’ ulug yig itisi-o.

Lukas 15:7

eke at ap dahon misig ioba yatuk atlug, indi wereg atuk halug, it boholmon inahien anggolo haruk-o. Eke it sembilan puluh sembilan ninindi wereg ulug inahla burukon epmano fam it boholmon inahien dorat haruk-o, ulug An demat yig hisaruk ahi-o,” ulug At Yesusen yig isebag.

Lukas 17:10

At hinanggimbu wereg etno hag, hit-at welahep-o. Ari halug, hiren suruk amag ulug yig hisarukon epmano obog suruk amuhupseg, hiren uruk wilil, ‘Nit we anggimbu-at wilil, niren sukag ulug yig nisarukon etno-at sehe-o,’ ulug uruk amuhup-o,” ulug At Yesusen yig isebag.

Lukas 18:9

Eke fobik it aphe ninen uruk wilil, it aphe nin dag-at suruk oke, nit hag fano mondog welahe-o, ulug inahla buruk apareg weregma,

Lukas 19:21

Eke hat hebe hindi humbulihon etno niluk wilil, hat hobam nakoltoho welatikik-o. Eke hat it ninen angge holaruk ahen etno hag, haren i yatikin fuhon oke, bal saruk ahen-o,’ ulug yig epag-o.

Roma 10:3

Eke At Allahen alem dahon ninobam werehon epmano elehep nisahalug At ninim dambuk ninabukon etno inapeleg wilil, inonggarehen-at inim dambuluhuken ulug suruk-o. Eke ariroho suruk ari, At Allahen ninim dambuk ninabukon etno apma seberoho welam inambit-o.

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 3:27

Eke ari halug, alem misig fam suontepatawon wereg buruk ahep ano? Ari eleg-o. Eke wene duroho suruk amuk eke duroho suruk am fug ulug ebahon etno ilitoho suruk nisalug, At Allahen ninim fanoroho welamuhuken ulug dambuk ninaptuk ano? Ari eleg-o. We At Yesus obam ebetuk nisalug-at ninim fanoroho welamuhuken ulug dambuk ninaptuk-o.

Roma 7:9

Eke wene duroho suruk amuk eke duroho suruk am fug ulug ebahon etno napeleg wilil, nebe niluk welatikikon oke, eke fobik wene duroho suruk amuk eke duroho suruk am fug ulug ebahon etno fam alem du dag surukon-o, ulug niluk atuk atikikseg,

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 3:17

eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.