Lukas 15:24 - Allah Wene Hurumbik Keron

²⁴ Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

Lukas 15:24 ပူးပေါင်းရင်းမြစ်များ

Matius 8:22

At Yesusen yig ituk wilil, “Hat An ninim sil nuruk amuhuken ma-o. Eke it waratukon etnowen hag it warehon epmano kweanma salep isaruk amag ulug sohorep isin-o,” ulug yig epag.

Markus 8:22

Yig isaruk apareg, eke fobik o Betsaida lebag. Laruk apagma, it aphe epmanowen ap ilanggen buhon misig walug, At ambeg imbik waharuk apareg, kino yig ituk wilil, “Ap du obam hinggik sen himin-o,” ulug yig epag.

Lukas 10:19

Hit walo hukalo obam hiniog umbukon etno inim, eke setan oag werehon wilipfukon etno inim Anden oag werehon etno og hisarikikseg fam, war hinabuhup fug-o.

Lukas 15:23

Ariroho suruk atlihipseg, nanggom sapi udag fanowon etno wak lalug waroko fanoroho esetlihipmu, darlo suon nulen-o.

Lukas 15:25

Naruk iseheg, eke fobik at amloho manggia etno o limu epmanowen ibam suhuluk waharuk wilil, ibam horog fanggog ik waharuk atisireg, iren binggon une eheg, inahien di watukmu esanggo holtisi-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 15:4

“Ap hiron misig anggom domba seratus weregma, misig nuk atuk halug keroho suruk-o? At ap etnowen wam domba inebe sembilan puluh sembilan isinggangge naruk ambeg epmano imbisalug, misig nuk atision etno heahil larisi-o.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Lukas 9:60

At Yesusen yig ituk wilil, “It waratukonen it warehon epmano kweanma salep isaruk amag ulug sohorep isin-o eke hat hag, At Allah weregmen sukon etno yig isil alu-o,” ulug yig epag.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Roma 11:15

Eke it hag ambit isarisireg fam, it ap kweanma obog o ahik ya da werehon epmano At Allahen fanoroho ninim welamuhuken ulug dambuk inaptisi-o. Eke ari fam, Aren it Yahudi ap inebe epmano ahmu isaruk halug, it aphe warehon inilukep isaruk etno hag inilukep isahu-o.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

Roma 6:11

Eke ari halug, hiren nit dag suruk aheon epmano sohorep isuog ulug warehon neken welaheon oke, At Kristus Yesus ninim wilil, At Allah ninim welamuog ulug niniluk welahe-o, ulug hinindi eberiuk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 12:26

Eke inebe atog wataruk halug, atog atog obog-at olok atuk-o. Eke it apheyen atog misig suontepfuruk halug, atog atog obog-at inahien suruk-o.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

1 Timotius 5:6

Ariroho uruk amuhubon oke, at hwe suhweon indien bulug-at dahan fahan suruk wilil, ebe ilukon oke, warehon neken wereg-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.