Lukas 14:23 - Allah Wene Hurumbik Keron

²³ Yig ituk apagma, at iknien anggimbu etno yig ituk wilil, ‘Halug, nibam aphe obog keleg amag ulug selema filen wol isa lag-o.

Lukas 14:23 ပူးပေါင်းရင်းမြစ်များ

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

2 Korintus 5:20

Ariroho At Kristus ninim mondep nisaharisireg fam, niren ninune yig hisaruk aheon oke, At Allahen-at yig hisaruk-o. Ari halug, At Kristus inuk fam-at yig hisaruk ahe ari, hit hinebe At Allah hinim healeg welahebon epmano At udaki amuhuben hinim dambuliuk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Roma 10:18

Eke ari fam, anden “It aphe epmano inesanggo holtusa fug ano?” ulug hinog waruk nealug, “Eleg-o, inesanggo holtusa at-o,” ulug yig nimuhup-o. Eke alem ari fam Alkitab etnowen yig nisaruk wilil, “It inune epmano o ahik ya da su atisi-o. Eke iren urukon epmano o kweanma obog su atisi-o,” ulug yig nisarukon ari,

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Lukas 24:29

it etanowen yig ituk wilil, “Eleg-o, mo dobog uruk wilil, o arat hup ahareg fam ninim nohul-o,” ulug yig ituk apagma, inim nohuog ulug inambeg kebag.

Matius 5:41

Eke ap misihen horog at ninim lu­len-o ulug miming haptuk halug, yatma at hinim alu-o.

Lukas 14:22

fobik yig ituk wilil, ‘Nikni-o, Haren yig nerehenon epmano ilitoho arat sihireg oke, atog anggen wao ambeg kolo-at wereg-o,’ ulug yig epag-o.

Lukas 14:24

Eke it bilin esoho ninim nahuken ulug hurumbik yig isarikikon epmano oke, esoho fanowon du ninim nul fug-o,’ ulug An demat yig hisaruk ahi-o,” ulug bilin at o unde etnowen anggimbu yig epahon etno At Yesusen yig isebag.