Lukas 14:13 - Allah Wene Hurumbik Keron

¹³ Eke haren inaohi esetuk wilil, it inaharek elehon inim, eke it iniog dahon inim, eke it iniog inoag elehon inim, eke it inilanggen buhon inim obog-at esoho ninim nulen ulug yig isimuk-o.

Lukas 14:13 ပူးပေါင်းရင်းမြစ်များ

Matius 15:30

it yi aphe di aphe obog At ambeg wonggalik waharuk apareg, inomini ininggik iniog dahon epmano inim, inilanggen buhon inim, iniog hunduhukon inim, eke inune elehon inim, it yi aphe di aphe uk warehon epmano inim, obog-at og inaplug waharuk apareg, At Yesus ambeg imbisa wapag. Imbisa waharuk apagma, At Yesus etnowen it aphe epmano obog fano inapag.

Matius 22:10

it at anggimbu etno kwalem suon laruk apareg, it yi aphe di aphe heag inapahon epmano obog-at dahon fanowon inim wonggalep isaruk apagma, o hwe onggo waruk wilil esoho esepag ambeg suon etno aphe inebe mondog keleg apag-o.

Lukas 11:41

Eke hit hinaheserangge hinahik oag epmano it inaharek elehon epmano nawag ulug og isalihipmu, it naruk atlug horoho-at og hisukon-o,” ulug yig isebag.

Lukas 14:12

Yig isaruk apareg, eke At Yesusen ap misig aohi esetukon etno yig ituk wilil, “Haren inaohi esetuk wilil halug, howe not inim, hasuki inim, homini inim, eke it inaharek werehon epmano inim, esoho ninim nulen ulug yig isa fug-o. Fobik iren inaohi esetuk wilil, hat onggo esag humuog ulug esoho ninim nulen yig himuhup-o.

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Lukas 14:21

Yig ituk apagma, at anggimbu etno ikni ambeg waharuk apareg, at yig epahon epmano obog bukaloko yig epag-o. Yig ituk apagma, at o unde etnowen asine haruk apareg, anggimbu etno yig ituk wilil, ‘O su ambeg duma kwalem werleke laruk apmihinteg, it inaharek elehon epmano inim, eke it iniog dahon inim, eke it inilanggen buhon inim, eke it iniog oag elehon inim obog esoho ninim nulen yig isa lag-o,’ ulug yig ituk apagma, eke at anggimbu etnowen ilitoho suruk apareg,

Kisah Para Rasul 9:39

Yig ituk apagma, at Petrus etno esanggo holtuk apareg inim wapag. Waharuk apareg, at hwe etno umbo weregma ha lahabag. Ha lahabareg weregma, fobik it hweap suhweon epmanowen ioba yatuk wilil, at hwe Dorkas etno iluk wilil sum inebemon inim, sum selemon inim yig isaruk apahon inggik seneg epmano unug ereheg suruk apag.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

Filemon 1:7

Eke ari halug, nomin nindi hunduhukon wai. Hat it Allah udaki obog hinim hindi hunduhuk wilil, haren inin­di fano inaptuk ahenon etno nesanggo holtikikseg, nahien anggo­lo haruk wilil, nonggarehen nindi oag werehepatarikik-o.

Ibrani 13:2

Eke it ap huso hinibam waharuk isalug, hinim fanoroho welamon etno hinapeleg am fug-o. Eke it ap nin bilin welapahon epmanowen ap huso ninambeg waheson du malaikat ulug inapeleg oke, inim fano welapag-o.