Lukas 13:33 - Allah Wene Hurumbik Keron

³³ Eke An hag yoho sono o Yerusalem kwalema lahuk-o. At ap nabi misig o Yerusalem sohorep isalug o werlekma waram ari hai-o.

Lukas 13:33 ပူးပေါင်းရင်းမြစ်များ

Matius 20:18

“Hinesanggo holiek-o. Nit o Yerusalem luk-o. Epma laruk nisalug, An Allahen minduhup naharision etno it Allah unde inowesi etno inim, it wene holal baleg unde etno inimen ininggik sen nabuhup-o.

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Lukas 9:53

Laruk apagma, it aphe epmanowen At Yesus o Yerusalem liog ulug surukon ari nit ninim nohuk ninambit-o, ulug ebag.

Yohanes 11:54

Ariroho inahla buruk apagma, At Yesus etno ebe o Yudea ke laruk wilil, kwalema selegmaroho lebag fug, abitke-at herag herag laruk apareg, o etno sohorep isalug, o limu aphe eleg ambeg o doron misig inuk Efraim etno waharuk apareg, At omini dua belas epmano inim welapag.

Yohanes 11:9

Yig ituk apagma, eke At Yesus etnowen yig isaruk wilil, “O ilingge dua belas jam wereg hit hiniluk-o. Eke it yi aphe di aphe o ilingge laruk isalug, o seleg ari famen iniog salog malogsoho wataruk eleg-o.

Yohanes 12:35

Yig ituk apagma, eke At Yesusen yig isaruk wilil, “At o seleg etno hininggik dorat hinim welamuhup-o. Eke hit o hik ambeg epmano welahe ha etnowen ulug, o seleg etno mutlug laruk amuk-o. Eke it yi aphe di aphe nin o hikmu larukon epmano, epma laruk ahe ulug inapeleg-at wereg-o. Ari halug, hit At o seleg etno hinim wilil, At obam-at hinindi ebetuk amuk-o. Ariroho ebetuk hisalug, hit hinebe o seleg etno udaki-at welamuhup-o,” ulug yig isebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 9:4

Eke kidia o ilingge neken wereg halug, At lahap nabik waharision etno eyabuk-at suruk amuk-o. Eke fobik o hubanggo neken atuk aruhumu, it apheyen yabuk suk mondog hai aruhu-o.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 13:27

Eke it Yerusalem aphe inim, it inowesi epmano inim, At Yesus ninili warukon ulug inapeleg wilil, it nabien wene holal embebahon nintul nantul o sembahyang fam yig nisarukon epmano inapeleg neken welatusa-o. Ariroho wilil, At Yesus dahon obam umburusa etno fam it nabien hurumbik ebahon demat surusa-o.