Lukas 12:45 - Allah Wene Hurumbik Keron

⁴⁵ Eke at anggimbu minduhupfirision etno indimu ebetuk wili, ‘An nowe etno kidia dulum waruhu fug-o,’ ulug ahla buruk atlug, at omini anggimbu neken werehon epmano ap inim hweap inim obog-at yikangge war inabeg, orom ahumsoho nenggeg, eke ik nenek surukon etno nalug, nenek seheg suruk wilil, at anggimbu etno aso welam sohorepfisalug weregma, at owe etno hurumbik yig itlug eleg hetnogsoho waruhu-o.

Lukas 12:45 ပူးပေါင်းရင်းမြစ်များ

Matius 22:6

it ninen at anggimbu yonggo lahap isebahon etano sen inaptuk apareg, inenggali warep isalug, fobik mondog warep isebag-o.

Lukas 12:44

Umburuk aruhureg, fobik at aharek obog aso welamag ulug at anggimbu fanowon etno-at minduhupfuhu ulug An demat yig hisaruk ahi-o.

Lukas 12:46

Waharuk aruhureg, it ap inobabut dahon oag deloko selema imbisaruk etno hag, anggimbu dahon epmano oag deloko warep isa waruhu-o.

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Yohanes 2:10

yig ituk wilil, “It aphe ninen inomini e anggur ambusu induk fanowon etno bilin og isarukmu, naruk atlug it epmano inil fulug suruk isalug, e anggur ambusu induk dahon etno fobik og isaruk oke, haren e anggur ambusu induk fanowon du fobik-at og isaruk ahen-o,” ulug yig epag.

Kisah Para Rasul 2:18

Eke it An nanggimbu ap inim, hweap inim fobik Anden Roh Kudus inobam umburuk aruhukmu, An nawene-at uruk amuhup-o.

Roma 16:18

Eke it epmano hag At Ninowe Kristus eyabuk sukon etno suruk eleg wilil, yi angge di angge og isawon etno-at heahil sil nuruk-o. Eke ariroho sil nuruk ari, inune fanoroho uruk wilil, inune esoho fanoroho eheg suruk etno fam it aphe inobabut fanowon etno inenggal-at yig isaruk-o.

2 Korintus 11:20

Eke it ap ninen inanggimburep hisaharukon epmano inim, eke it ap nin inaharek anggolo amag ulug hinim dahan fahan suruk ahebon epmano inim, eke hinaharek diloko neken warukon epmano inim, eke hinebe seberep hisaharukon epmano inim, eke hinolohotma biso hinaptukon epmano inim, obog-at fano ninim welamuhuken ulug yig isaruk ahep-o.

1 Tesalonika 5:7

Eke it ap nohorukon ari it o hubanggo-at nohoruk-o. Eke it ambusu etno narukmu nenek surukon ari, o hubanggo-at naruk atlug nenek suruk-o.

2 Petrus 2:13

Eke it inenggal wene urukon epmanowen aphe inambolma dahaltuk isalug, o dagma-at imbisahu-o. Eke it dag surukon epmano inenggali eleg wilil, o kweanmen surukon epmano selegma-at suk inindi-o. It ariroho surukon etno hinim orom naruk wilil, hinenggali war hinaptuk-o.

2 Petrus 2:19

Eke it dag surukon epmano iblis apma neken wilil, urunanggeroho suruk-o. Ariroho suruk ari, it ap inindi werehon neken suruk eleg-o. At dag surukon etno anggimbu wilil, inonggarehen at dahon etno apma kuruk-o.

Wahyu 16:6

It aphe kweanmon dumen it Allah udaki epmano inim, eke it nabi ap epmano inim inamep deloko embebahon etno kidia mep nawag ulug og isaruk ahen ari fano at-o. Ari halug, kidia in­onggo holaruk-o,” ulug ariroho uruk atisimu,

Wahyu 18:24

Ariroho uruk atisi­mu, eke it nabi ap inim, it Allah udaki inim, eke it yi aphe di aphe kweanmen war inaptuson epmano inim, o Babel etnowen war inaptu­sa halug, At Allahen o etno mialoko imbirisi-o.