Lukas 12:42 - Allah Wene Hurumbik Keron

⁴² At Ninowe etnowen yig ituk wilil, “At anggimbu indi enggaron ilukon etno sa-o? Ari, at o unde etnowen anggimbu fanowon etno o aso welamag ulug heako umbulug, yabuk fanoroho suruk amag ulug yig iseheg, eke anggimbu nin epmano inaharom nintul nantul og iseheg suruk amag ulug minduhupfuruk-o.

Lukas 12:42 ပူးပေါင်းရင်းမြစ်များ

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Matius 20:8

Ariroho yig isaruk atisireg, fobik o hupmu jam enam fam at yabuk unde etnowen osi epmano yig isaruk wilil, ‘It ap o yoho yabuk seheson etno wol isaruk atlihipseg, onggo og isimuk-o. Og isaruk wilil, it fobik lahap isihion etno bilin og iseheg, eke it bilin lahap isihion etno fobik og iseheg suruk amuk-o,’ ulug yig isarisi-o.

Lukas 12:43

Eke fobik at owe etno suhuluk waharuk aruhureg, at anggimbu fanowon etnowen yabuk fanoroho surukmu ilanggen haruk aruhureg, at ahien obam umbuhu-o.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 7:19

at Yohanesen omini biren wol isaruk apareg, yig isaruk wilil, “Hit At Yesus ambeg lalihipseg hinog waruk wilil, ‘At Yohanesen ap suon misig waruhu ulug hurumbik yig nisebahon etna Hat-at ano, eke misig fobik waruhumu aso welahe ano?’ ulug At Yesus hinog yig irik aliek-o,” ulug at Yohanesen lahap isaruk apagma, it epmano At Yesus ambeg wapag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

1 Timotius 5:17

Eke it ap Allah wene yig isarukon epmano hag, aphe inindi aso fanoroho wereg isalug, ininuk suontepfuruk amuk-o. Eke it Allah wene yanggul isarukon epmano yabuk fanoroho suruk isalug, Allah ake umburukon epmano anggoloroho og isaruk amuk-o, ulug wene ariroho yig hisihi ari, Alkitab famen yig nisaruk wilil, “Wam sapi iog fam wiyagfut anggen loltil nurukmu, ambilik hele wabuk fug-o,” eke “It ap yabuk surukon epmano onggo ilitoho og isa fano-o,” ulug yig nisaruk-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Titus 1:7

Eke at ap Allah wene yig isarukon ari dag suruk eleg halug, Allah yabuk etno aso welamag-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 3:5

Eke at Musa etno o Allah ibam wilil, yabuk fanoroho suruk apahon oke, at ebe Allah anggimbu wilil, yi wene di wene Allahen fobik uhu-o, ulug hurumbik-at yig isebag-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.