Lukas 12:32 - Allah Wene Hurumbik Keron

³² At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 12:32 ပူးပေါင်းရင်းမြစ်များ

Matius 14:27

Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 20:16

Yig isaruk apareg, eke At Yesusen fobik yig isaruk wilil, “Ari halug, it bilinon etno fobik amuhup-o. Eke it fobikon etno bilin amuhup-o,” ulug yig isebag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Lukas 10:21

Eke fobik At Yesus etno Roh Kudus etno indimu kuruk apagma, ahien anggolo haruk apareg, uruk wilil, “Nikni-o, Hat hebe boholma kweanma Inowe suon welahen-o. Ariroho wilil, Haren it ap An niluk ulug inahla burukon epmano yig isao sohorep isalug, it inapelehon epmano yanggul isarikin ari famen wa ulug yig hituk ahi-o, Nikni. Haren hahien isaruk wilil, fuloko imbisarikinteg yig isarikin-o.

Yohanes 18:36

Yig ituk apagma, eke At Yesusen yig ituk wilil, “An nebe Inowe suon welamon etno kidia o kweanma dumen suon neken welahi fug-o. An nebe o kweanma dumen suon neken welatlemen, it Yahudi aben ebe senebuk nowen ulug, it An nomini epmanowen nili wim aplep-o. Ariroho aplebon oke, An nebe inowe suon welamon etno it ap o kweanma dumon inowesi suon wereg epmano hag welahi fug-o,” ulug yig epag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 20:29

Eke fobik an sohorep hisahalug lahukmu, it aphe nin wam eli neken hinindi kahaluog ulug hinambeg wamuhupseg, it aphe Allah udakion epmano inindi kahalik wamuhup-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

2 Tesalonika 1:11

Eke ari halug, nintul nantul hinake sembahyang uruk ahe-o. Eke At Allahen wol hinaptisireg fam hiniluk welamon etno holawag ulug fanorep hisahakeg, eke hiren nit fanowon etno suk ninindi-o, ulug uruk hisalug, oag weregsoho og hiseheg, eke At awene demat ulug ebebukon atog imbirision etno atog og hiseheg, suruk amag ulug At Allah obam sembahyang kino uruk ahe-o.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

Ibrani 12:28

Eke nit hag At Allah apma welamon aplohok suk fuhon etno-at og nisaruk ari fam wa ulug uruk amuk-o. Ariroho uruk amuhuk ari, At Allahen ninabua nisaruk wilil, ahmu nisawag ulug ninindi seberoho wilil, ninakoltoho At Allah obam sembahyang uruk amuk-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

Wahyu 1:6

Ariroho ninombisaharuk apareg, nit ninebe At Ikni Allah anggimbu wilil, eyabuk suruk amag ulug minduhup nisahabag-o. Ariroho minduhup nisahabareg fam niren nintul nantul At Yesus Kristus oag werehon etno inuk-at suontepfuruk amuhuk-o. Amin.

Wahyu 22:5

o epma hubang­go aruhu fug-o. Eke eral inim, mo yatukon etno inimen o yangguk am hai aruhumu, At Ninikni Allah-at o yangguk etno og isahu-o. Eke iniluk mondog welamon etno og isaruk aruhu ari fam, inebe suon wilil, raja neken-at initog mondog welamuhup-o, ulug heag niti­si-o.