Lukas 12:17 - Allah Wene Hurumbik Keron

¹⁷ Ariroho wilil, at etno ahla buruk apag-o. Ahla buruk apareg, uruk wilil, ‘Yi angge di angge anden seneg welahion duma kema umbuk neken keleg atuk du, keroho sik-o?’ ulug ahla buruk apareg,

Lukas 12:17 ပူးပေါင်းရင်းမြစ်များ

Matius 16:7

Yig isaruk apagma, it epmanowen irit uruk wilil, “Duroho uruk du, roti wao ninapeleg aheon etno farim-at yig nisaruk-o,” ulug uruk apagma,

Matius 5:42

Eke at misihen hambeg kino uruk halug, og um fano at-o. Eke at misihen haren angge du fam yabuk siminen og nimin ulug kino yig hituk ha­lug, holoho­re dahag uk fug-o,’ ” ulug yig isebag.

Lukas 10:25

Eke fobik at ap wene holal baleg unde misig waharuk apareg, At Yesus enggali wariog ulug yig ituk wilil, “Ninowe yanggul nisarukon wai, an niniluk welamon etno waminen keroho sik-o?” ulug hinog waruk apagma,

Lukas 11:41

Eke hit hinaheserangge hinahik oag epmano it inaharek elehon epmano nawag ulug og isalihipmu, it naruk atlug horoho-at og hisukon-o,” ulug yig isebag.

Lukas 12:16

Yig isaruk apareg, eke fobik wene ilitoho neken yig isaruk wilil, “Ap aharek anggolo werehon etno anggean anggolo wilil, yi angge di angge anggolo welapag-o.

Lukas 12:18

fobik an naharek ombataruk ambeg o falehon du mialoko, fobik keron suon-at faluhuk-o. Falepfuruk aruhukseg, fanoroho tahun anggolo wilil, naharek fanowon halug epmano ombataruk aruhuk-o.

Lukas 12:22

Eke fobik At Yesusen omini epmano yig isaruk wilil, “Ari halug, hiren orom ik kerohon nik-o ulug seneni ebebuk fug-o ulug yig hisihi-o. Eke hinebema sum kerohon wansik ulug seneni ebebuk fug-o.

Lukas 12:29

Ari halug, nintul nantul naharom nahik keroho nik ulug hinindi seneni ebebuk fug-o,

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 16:3

Yig ituk apagma, at anggimbu etno ahla buruk wilil, ‘An bilin nowe eyabuk suruk atikikon oke, horiep nahaku ari an keroho sik-o? An wen wao noag elegma, aphe inambeg uang anggen kino yig isa lao nenggali ahareg fam,

Lukas 16:9

Yig isaruk apareg, eke fobik inim yig isaruk wilil, “It inaharek anggolo werehon epmano hinomi amagsoho ariroho suruk amiek ulug An demat yig hisaruk ahi-o. Eke fobik yi angge di angge kweanmon epmano obog sohorep isalug, hinibam boholma welamuhup ambeg epmano ninim welamuk ulug yig hisahu-o.

Lukas 18:22

Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 19:17

Yig ituk apagma, eke at inowe etnowen yig ituk wilil, ‘Hat nanggimbu fano mondog welahen hiyihi-o. Yi angge di angge doron fam oke, hindi enggatoho suruk atikinteg fam, kidia o ahik nomaloen angge inowe welamag ulug minduhup haharuk ahi-o,’ ulug yig epag-o.

Lukas 3:11

aren yig isaruk wilil, “Ap misig asum selemon biren wereg halug, at omin asum elehon etno misig og emag-o. Eke aharom anggolo wereg halug, ariroho-at menag isaruk amag-o,” ulug inesanggo wapag.

Kisah Para Rasul 16:30

Horie uruk atisireg, fobik minatlug it etano ininggik senoko selema wilip isaruk atisireg, yig isaruk wilil, “Niknisi-o, an nili wawag ulug keroho sik-o?” ulug yig isaruk atisimu,

Kisah Para Rasul 2:37

Yig isaruk apagma, it epmano wi ulug inakol anggolo haruk apareg, at Petrus omini epmano inim yig isaruk wilil, “Halug nit keroho suk-o nomini?” ulug hinog yig isebag.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

1 Yohanes 3:16

Eke At Kristus nit ninake warapag etno niniluk-o. Nit halug, nit ninomini inake inili wa fano-o.