Lukas 11:49 - Allah Wene Hurumbik Keron

⁴⁹ Eke At Allah yi angge di angge obog ilukon etnowen amuk yig isaruk wilil,

Lukas 11:49 ပူးပေါင်းရင်းမြစ်များ

Matius 22:6

it ninen at anggimbu yonggo lahap isebahon etano sen inaptuk apareg, inenggali warep isalug, fobik mondog warep isebag-o.

Lukas 11:48

Eke hit hinetamukien it nabi ap warep isebagma, inoag imbisebag ambeg hiren o suon faltuk ahep ari, it hinetamuki epmano ilitoho suruk wilil, iren fano sebag ulug uruk ahep-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 11:27

Soal inaptuk apareg wilil, it nabi ap inebe dorat o Yerusalemen Antiokhia wapag.

Kisah Para Rasul 22:20

Eke at Stefanus hat hawene yig isarukon etno watukmu, nilanggen isaruk atikikseg, anden fano watuk ahep ulug it ap watukon epmano inasum aso welatikik-o,’ ulug anden At Allah yig ituk atikikmu,

Kisah Para Rasul 7:57

Yig isaruk apagma, it epmanowen holehe ha nowen ulug inasengseng anggolo suruk wilil, inesanggo latuk apareg, it obohen dulum-at ininggik senepag.

Kisah Para Rasul 8:3

Salepfik laruk apagma, at Saulus etnowen it Allah wene warukon epmano war inabil laruk wilil, inibam ya keheg sil lebag. Sil laruk wilil, ap hweap Allah wene warukon halug, wilip isa watlug, o dag surukon imbisaruk ambeg epmano kolap isaruk apag. Ariroho heag inabil laruk apareg, it Yerusalem aphe Allah wene warukon epmano mug inaplug laruk apagma, o Yudea Samaria inim lebag.

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Wahyu 16:6

It aphe kweanmon dumen it Allah udaki epmano inim, eke it nabi ap epmano inim inamep deloko embebahon etno kidia mep nawag ulug og isaruk ahen ari fano at-o. Ari halug, kidia in­onggo holaruk-o,” ulug ariroho uruk atisimu,

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.