Lukas 11:29 - Allah Wene Hurumbik Keron

²⁹ Eke fobik it aphe obog epmano At Yesus ambeg wonggalik waharuk apagma, At Yesusen yig isaruk wilil, “It aphe kidia werehon duma inobabut dahon-at isihi-o. Eke iren At Allah inim wereg ulug niniluk amagsoho sukfugangge misig sin-o, ulug yig nituk oke, eke At Yunusen sukfugangge sebahon etno-at inil hahup-o.

Lukas 11:29 ပူးပေါင်းရင်းမြစ်များ

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 11:16

ulug uruk apagma, eke it ninen At Yesus enggali wabuog ulug yig ituk wilil, “Hat Allah inim werehon demat ulug nit niniluk amagsoho sukfuganggeroho misig simihin-o,” ulug yig ituk apagma,

Lukas 11:50

‘It nabi ap inim, eke it inayonggo umburukon epmano inim inambeg lahap isahukmu, nin warep iseheg, nin muko wilip iseheg suruk amuhup-o,’ ulug yig isebareg fam, amuk it nabi ap war inapahon epmano inonggo hit kidia welahebon war hinabuhu-o.

Lukas 12:1

Eke fobik it aphe beribu-ribu anggolo-at wonggalik waharuk apareg, aphe inebe keleg atuken iniog anduhunmu apma obam dambuk welapag. Ariroho weregma, At Yesusen omini epmano yig isaruk wilil, “It Farisi ap epmano inindi biren wilil, roti su amag ulug umburuk etno hag suruk isalug, hiren fikfag yaharoho welamiek-o.

Lukas 9:41

Yig ituk apagma, At Yesusen yig isaruk wilil, “Hit hinindi fikfag ebereheg eleg-at wilil, hinobabut dahon-at welahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, at ap etno yig ituk wilil, “Hat hamloho ari walug nambeg ma-o,” ulug yig epag.

Yohanes 2:18

Inindi ebetuk apareg, it Yahudi ap epmano waharuk apagma, At Yesus hinog yig ituk wilil, “Hat ariroho suruk ahen ari, At unde wilil suruk ulug ninahla buhuken sukfugangge misig simihin ano?” ulug yig ituk apagma,

Yohanes 6:30

Yig isaruk apagma, eke it epmanowen yig ituk wilil, “Nit ninil fam Haren hoag weregsoho sukfugangge misig suruk healug, hobam ninindi ebebulen misig nongge simihin-o?

Yohanes 8:44

Eke hit hinikni at setan udaki wilil, hiniknien duroho siek ulug ahla burukon-at ilitoho suruk ahep-o. Eke at setan ari, o amuken-at ap watukon neken welapag-o. Eke at setan etno indimu wene demat urukon etno elehen aren demat ulug uruk eleg-o. Eke aren enggal wene yig hisaruk ari, at obam dombog-at uruk-o. Eke at etno wene enggal-at uruk wilil, yi wene di wene enggal-at urukon etno ikni neken wereg-o.

1 Korintus 1:22

Eke it Yahudi ap epmanowen inindi ebebuog ulug iren sukfugangge misig simin-o ulug uruk-o. Eke it Yunani ap epmanowen it kweanmonen ninindi wereg ulug inune urukon epmano heaharuk ahe ulug urukon oke,