Lukas 10:27 - Allah Wene Hurumbik Keron

²⁷ at ap etnowen yig ituk wilil, “Alem misig ari Hinikni Allah hinim hinindi hunduhuk welahep ari fam, hinobabut fanoroho suruk wilil, hinoag weregsoho hinim welamuk-o, ulug alem misig ari yig hirihi-o. Eke alem misig ari, hit hinebe fano welamuog ulug suruk ahep ari hag, it hinomini hinim fanoroho hinindi hunduhuk welamuk-o, ulug alem misig ari yig hirihi-o,” ulug yig ituk apagma,

Lukas 10:27 ပူးပေါင်းရင်းမြစ်များ

Matius 19:19

Ariroho suruk imbisalug, hiniknisi hinisasi inune-at fanoroho holtuk wilil, suontep isaruk amuk-o. Eke hinonggareg hinabua saruk ahep etno hag, hinomini hinim welahebon epmano inabua suruk amuk-o,” ulug yig epag.

Lukas 10:26

At Yesusen yig ituk wilil, “Hat Alkitab fam wene embebahon etno hiluk heheg, hat keroho yig hitukmu hahla buruk ahen-o?” ulug yig ituk apagma,

Roma 13:9

Eke wene duroho suruk amuk eke duroho suruk am fug ulug ebahon etno yig nisaruk wilil, “Hwe ap inuhweon diloko wa fug-o, eke ap wabuk fug-o, eke yi angge di angge hinalomnangge herahuk fug-o, eke ap inaharek epmano hulik ulug hinahla buk fug-o, ulug ariroho komo yig nisebahon etno alem neken wene misig du wereg-o, eke hit hinebe hinonggarehen hinabua saruk ahep etno hag, it hinomini hinim welahebon epmano fanoroho inabua suruk amuk-o,” ulug yig nisaruk-o.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.

Yakobus 2:8

Ari halug, At Allah weregmen wene duroho suruk amuk eke duroho suruk am fug ulug ebahon etno-at suruk amiek-o. Eke bilin komo yig nisaruk wilil, “Hinonggareg hinindi fano saruk ahep etno hag, it aphe obog inindi fano inabiuk-o,” ulug yig nisarukon oke,

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.