Lukas 1:79 - Allah Wene Hurumbik Keron

⁷⁹ Eke nit obog aphe warehon wereg ambeg neken o hikmu wereg nisalug, ninonggalem fanowon etno lawag ulug aren o selegma ninombisaharuk-o,” ulug uruk wilil, at Zakharia etnowen di misig ebag.

Lukas 1:79 ပူးပေါင်းရင်းမြစ်များ

Matius 4:16

it aphe inung­guluag dombog o hikmu horieg welapa­hon ari, fobik yangguk suon haru­sa-o. It aphe waratuk ambeg sanggunmu werehon epma­no selegma atisi-o,” ulug holal embe­bag.

Lukas 2:32

Eke ap selemon halug, o yangguk du fam iniluk aruhu-o. Eke it Hat hudaki Israel ap halug, ininuk suon aruhu-o,”

Yohanes 1:9

Ariroho yig isarukmu, at o seleg ebe etno o kweanma ambik waharuk apareg, it aphe obog inindimu selehap isebag.

Yohanes 12:46

Eke it yi aphe di aphe obog An nobam ebetukon epmano o hikmu neken welam nowen ulug An o seleg o kweanma duma waharikik-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Yohanes 9:5

Eke An nebe o kweanma duma wilil, it yi aphe di aphe o duma werehon obog-at selehap inaptuk ahi-o,” ulug yig isebag.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Roma 3:17

Eke fohot yaloko dambuk inaptukon etno inapeleg-at wilil,

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.