Lukas 1:35 - Allah Wene Hurumbik Keron

³⁵ at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 1:35 ပူးပေါင်းရင်းမြစ်များ

Matius 1:18

At Yesus Kristus endag apag etno ariroho endag apag. At isina Maria Yusuf wene watukon etno inim dambuksoho awan heheg, Roh Kudus etno fam ahumla apag.

Matius 1:20

Ahla buruk apareg weregma, eke hubanggo nohorukmu i og haruk wilil, Allah malaikat etno at ambeg waharuk apareg, yig ituk wilil, “Yusuf Daud etamu wai. Huhwe Maria holao hambit ha fug-o. Udag ahumlareg ari, Roh Kudus fam ahumla atisi-o.

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Markus 1:1

At Yesus Kristus Allah Amloho etno wene ebe alem du at-o.

Markus 1:24

une suon uruk wilil, “Yesus, Nazaret ap du wai. Hat keroho siog ulug wahen-o? Hat ninusiog ulug wahen ano?” ulug yig ituk apareg, eke fobik yig ituk wilil, “Hat hebe At Allah Amloho fano mondog suruk ahenon hiyihi-o. Eke Hat hebe etno an niluk-o,” ulug yig ituk apagma,

Lukas 1:27

Lahabik waharuk apagma, at Yusuf inowe Daud etamu etnowen holiog ulug surukon inuk Maria etno yig irik wapag.

Lukas 1:34

Yig ituk apagma, eke at Maria etnowen malaikat etno yig ituk wilil, “An nebe nahun eleg heheg, udag keroho enderuhuk-o?” ulug yig ituk apagma,

Lukas 1:36

Eke at hehe Elisabet etno hindi eberin-o. At ebe anggohon aburli wereg yig ituson oke, kidia bikalem enggalimen angge ahumlareg welatisi-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Efesus 2:3

Eke bilin Allah wene ninapeleg wilil, ninim ilitoho-at welatukuk-o. Ariroho wilil, ninakelehen yuhun-at seheg, eke ninebe kweanmon-at wilil ariroho suk ulug ninahla buruk atukukon epmano-at seheg suruk atukuk-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.