Lukas 1:20 - Allah Wene Hurumbik Keron

²⁰ Ariroho belap nabik wahareg fam, hat wene ariroho demat suhu ulug hat yig hirihion etno eberoko waruk ahen fug ari fam, hune eheg eleg-at wilil, hurumbik yig hirihion etno awan suruk eleg heheg, hune eleg mondog-at welaruhun-o,” ulug yig epag.

Lukas 1:20 ပူးပေါင်းရင်းမြစ်များ

Markus 16:14

Eke fobik At omini epmano orom nuog ulug epmano horieg weregma, At etno inilanggen neawag ulug inambeg wapag. Waharuk apareg, yig isaruk wilil, “It aphe ninen An enggag nealug iluk aha ulug yig hiseheson oke, hit An nobam ebereheg eleg-at welahep du, hinindi fanoroho ebetuk ahep fuhon-at hisihi-o,” ulug winimug yig isebag.

Markus 9:19

Yig ituk apagma, eke At Yesus etnowen yig isaruk wilil, “Nomini-o, hit An ninim welaheon oke, hinindi fikfag ebereheg eleg sil nuruk ahep du, An ninggik maren hit ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, eke at ap etno yig ituk wilil, “Hat udag ari walug nambeg ma-o,” ulug yig epag.

Lukas 1:19

eke at malaikat etnowen yig ituk wilil, “An ninuk Gabriel At Allah olohotma welahion etnowen wene fanowon wene du yig hemag ulug yonggo belap nabik waha-o.

Lukas 1:21

Yig ituk apagma, it aphe selemon obog at Zakharia aso werehon epmanowen uruk wilil, “At fahe arat wilik watlep oke, o Allah ibam bok wereg du, epma nongge suruk-o?” ulug uruk apagma,

Lukas 1:22

at etno wilip apareg, une yig iseheg eleg-at welapag. Weregma, it epmano inahla buruk wilil, wi, ap du o Allah ibam epmen i neken og hehek-o, ulug inahla buruk iseheg, at etno une ilik eleg wilil, inggiken-at aliek ulug yig isebag.

Lukas 1:45

Eke, hat At Allahen yig hitision etno demat ulug hindi ebetikinteg fam ahien hobam umbuhu-o,” ulug yig epag.

Lukas 1:64

Fog suruk iseheg, at Zakharia etno une wereg atuk apareg, Allah inuk suontepfebag.

Roma 3:3

Ariroho og isebareg fam, eke it ninen wene eberoko webag fuhon oke, ari fam At Allahen duroho suhuk ulug hurumbik ebahon etno ilitoho suhu fug buruk ahep ano? Ari eleg-o. It aphe obog-at inenggal uruk atlebon oke, At Allah etno demat urukon wereg ulug, Alkitab fam yig nisaruk wilil,

2 Timotius 2:13

Eke nit we dorat ninindimu demat ulug ebetuk aheon oke, At hag demat ulug ahla buruk wilil welaruhu-o. Eke Aren bilin ebahon etno onggarehen sohorep isaruk eleg-o.”

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.