Kolose 3:8 - Allah Wene Hurumbik Keron

⁸ Ariroho seneg welatikibon oke, eke kidia inasine atukon etno inim eke inindi olok atukon etno inim eke inambit hun inaptukon etno inim obog-at sohorep isiuk-o. Eke hinune hinenggal-at inobam denggeluk fug-o. Eke winimug aptuk am fug-o. Eke ap inabug uk fug-o. Eke yamintal neken uruk am fug-o. Hinune dahon etno sohorep isiuk-o.

Kolose 3:8 ပူးပေါင်းရင်းမြစ်များ

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Markus 7:22

eke ap inaharek nindi nindi il nurukon etno inim, eke dag surukon etno inim, eke inambolma dahaltukon etno inim, eke dag ban sil nurukon etno inim, eke inindi dahon etno inim, eke inenggal-at inobam denggeltukon etno inim, eke an suon ulug il nurukon etno inim, eke nenek neken sil nurukon etno inim,

Roma 13:13

Ariroho o ilingge wilil, motoho-at suruk amuk-o. Eke inahum heheg narukon epmano inim, eke ik nenek surukon donggogsoho narukon epmano inim, eke hwe ap uhweon wanggik surukon etno inim, eke winimug isarukon epmano inim, eke inasineyen surukon epmano inim, obog-at ariroho suruk am fug-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Efesus 4:25

Eke ari halug, aphe hinenggal yig isawon etno dahon neken loloko imbiuk-o. Ariroho loloko umbulug, eke hit obohen hinomini wene demat yig isaruk amuk-o. Eke nit ninebe obog-At Kristus ebe misig-at welahe-o.

Efesus 4:26

Eke hinasine atuk halug, dag suk fug-o. Eke hinindi hinasine haruk ahebon etno ilingge arambik hinasine haruk am fug-o.

Efesus 4:29

Eke wene uruk ahebon ari, hinune winimugsoho uk fug-o. Eke it ap hinune yig isaruk ahebon epmano inindi fano amag ulug, hinune wiogsoho urukmu, aphe inindi oag werehep isawon etno-at uruk amiek-o.

Efesus 5:4

Hiren At Allah akeleg-at wa ulug yig ituk amuk-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

Kolose 3:9

Eke alem amukon etno sohorep isarikipseg, alem keron etno waruk ahep-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

1 Timotius 1:20

It inapeleg atision ari ininuk misig Himeneus eke misig Aleksander etano inapeleg atusareg fam, fobik inenggal wene At Allah obam denggeltukon etno sohorep isawon iniluk amagsoho arat at iblis etno inobam umbukag ulug yig itikik-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Yakobus 2:7

Eke At Allahen hininuk fanowon soal hinapahon oke, hinobam sabele neken denggeltuk ari, it inaharek werehon epmanowen-at inapmarep hisaharuk-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:7

War inaptuk wilil oke, eke at Lot etno it dag surukmu ambit isaruk wilil obabut fano weregma, ili webag.

Yudas 1:13

Ik ulu suon urukmu, ebe wereg buruk ahe etno hag it ap etno wereg-o. It ap epmano soholoal da sulug larukmu bule ambik waharuk etno hag, At Allahen hondok olokma lahap isawon ulug wereg-o.

Yudas 1:8

It ap dag surukon epmano noho neken uruk wilil, “At Allah suon ano?” ulug uruk-o. It malaikat boholma suon werehon epmano inenggal-at uruk-o ulug inambilik butuk yig isaruk-o.

Wahyu 16:9

Ariroho suruk atisimu, it aphe epmano mo oloken hinel anggolo watuk wilil, Hat Allahen mo olok ninobam umburuk ahen du hai-o, ulug ariroho yig ituson oke, eke iren dag surukon epmano sohorep isalug eleg At inuk suontepfurusa fug-o.