Kolose 3:5 - Allah Wene Hurumbik Keron

⁵ Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

Kolose 3:5 ပူးပေါင်းရင်းမြစ်များ

Matius 15:19

It apheyen dag suog ulug inindimuen ebetuk-o. Inindimuen ebetuk atlug, ap watukon etno inim, eke ap inuhweon diloko warukon etno inim, eke hweap selemen surukon etno inim, eke inalomnangge heraharukon etno inim, eke inenggal-at urukon etno inim, eke inune dahon inobam denggeltukon etno inim,

Roma 1:26

At Allah ubulukmu yi angge di angge epmano inahientoho suontepfuruk apagma, it inenggali elegsoho-at wilil sil nuruk amag ulug At Allah indi ebetuk apareg, sohorep isebag. Eke it hweaben ap sohorep isalug, it hweap hweap wanggik seheg,

Roma 1:29

Ariroho imbisaruk apagma, dahon inindi kahaltukon etno wilil, yi dag di dag sukon epmano ebereheg, eke inobabut dahon-at welaheg, eke inahlahiroho seheg, eke inindi famen uwa eheg, eke ap wareheg, eke yikangge abeheg, eke inenggal wene eheg, eke inambolma dahaleheg, ariroho suruk-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 7:23

alem dahan fahan surukon misig nindimu wereg haruk ahi-o. Eke alem dahan fahan surukon etnowen an nahien haruk ahion etno inim healeg wereg-o. Eke alem dahan fahan surukon etnowen an nebe alem dag surukon nobam werehon etno anggimbu welamag ulug hele waroko nombaharuk-o.

Roma 7:5

Eke bilin ninobabut amukon wilil, yuhun-at surukmu, wene duroho suruk amuk eke duroho suruk am fug ulug ebahon etnowen alem du dahon ulug yig nisaruk heheg, ninindien-at yi dag di dag suruk atukukon epmano ebetuk atukukseg fam, waramon etno huluog ulug surukuk-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

1 Korintus 5:1

Eke it ap hinim welahebon epmanowen hwe ap uhweon holaruk ulug yig nirik waharusa-o. Eke it wene inapeleg ambeg epmanowen hweap og inaptuk wereg oke, eke ap hiron misihen ikni uhwe holalug inim wereg etno hag hai-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

1 Korintus 6:18

Eke hwe ap uhweon surukon ari namberak ulug sohorep isao fano. Eke it apheyen yi dag di dag surukon epmano inebe dahapsaruk eleg oke, it hwe ap uhweon surukon epmano hag inebe-at dahapsaruk-o.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

Galatia 5:24

Eke it At Yesus Kristus udaki epmanowen it aphe kweanmon yi angge di angge inindien dag surukon epmano obog-at elegsoho imbisarusa-o.

Efesus 4:19

Eke it epmano inakol hawon etno inapeleg atlug, yi dag di dag suruk wilil, wanggik seheg, eke an dag misig sik ulug inahla beheg inindien-at suruk-o.

Kolose 2:11

Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o.

1 Tesalonika 4:3

Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

1 Tesalonika 4:5

Eke it ap Allah wene inapelehon epmanowen inindien yuhun-at suruk etno hag, hit ariroho suruk am fug-o.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

Ibrani 12:16

Eke at Esau etno manggia-at endag apareg fam, wene ap manggien uruk amon etno unde welatlebon oke, orom dorat farim onggo baltuk wilil, at ebe fobikon neken apag-o. Eke at obabut dahon wilil, dahan fahan suruk apag etno hag, hit ariroho sehep ha nowen fikfag welamuk-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.

Ibrani 13:5

Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,

Yakobus 4:1

Hit hinindi fam winimug aptuk ahep etno, alem kemen waharuk buruk ahep-o? Ari alem hinindimuen nindi nindi uruk ahep ari famen winimug uruk ahep-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.

Wahyu 22:15

It epmano epma kuhubon oke, eke it yangge neken sil nurukon epmano inim, it usa surukon epmano inim, it wanggik surukon epmano inim, it ap watukon epmano inim, it kwanangge senehon epmano inim, eke it dahan fahan suruk wilil inenggal urukon epmano inim, it epmano obog-at o selema welamuhup-o.