Kolose 3:4 - Allah Wene Hurumbik Keron

⁴ Eke At Kristus hit hinim welahep etno fam, At ebe suon etno waharuk aruhumu, At hinim hinoag weregsoho hinombisahaku-o.

Kolose 3:4 ပူးပေါင်းရင်းမြစ်များ

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Lukas 17:30

Eke ariroho sebag etno hag, fobik An Allahen minduhup naharision etno waruhuk ari sambit ariroho-at suhup-o.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 14:3

Ari halug, An fobik o baharik hit welamon epmano fikfag haloko hinombisahik lahukseg, fobik niog suhuluk waruhuk-o. Niog suhuluk waharuk aruhukseg, hit og hinaplug An welahi ambeg epma lahuk-o. Laruk amuhukseg hit hinebe An nibam epmano ninim welamuhuk-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Roma 8:18

Eke kidia alem dahon ninobam umburukon ari hag doron-at-o, eke fobik suontep nisahuon etno hag mondog suon at-o, ulug nahla buruk ahi-o.

Roma 8:19

Eke yi angge di angge wal hebahon epmano inolohore boholma lahaboho neken wilil, At Allahen udaki suontep isawon etno aso wereg-o.

1 Korintus 1:7

Ariroho warikipseg fam, hit o epma At Ninowe suon Yesus Kristus selegma aruhuon etno aso wilil, At Roh Kudusen og hisawon etno obog-at holarikip hisihi-o.

1 Korintus 15:43

Eke i yahowon ari ebe doron-at oke, eke unggum wilip atukon etno oag werehon-at wereg-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

1 Tesalonika 4:17

Minduhup isaruk aruhureg, eke o ari sambit nit ninilukon etno inim eke it minduhup isahuon etno inim, obog-at balurep nisaharuk aruhureg, og ninaplug hena fam lahakureg, boholmen At Ninowe etno ninim heahi war war uruk amuhukseg, nintul nantul At Ninowe etno ninim welamuhuk-o.

1 Timotius 6:14

At Ninowe Yesus Kristus awan waharuk eleg heheg, yi wene di wene yig hirihion epmano obog ilitoho-at fanoroho suruk amuk-o.

2 Timotius 1:1

Nomin Timotius wai. An Paulusen hat namloho nindi hunduhukon etno holal du bal hituk ahi-o. Eke nebe etno At Allah indi ebetuk apareg, At Kristus Yesus awene yig isil nuruk amag ulug minduhup naharisireg fam,

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

1 Yohanes 5:12

Eke At Allah Amloho ninindimu wereg halug, niniluk welamon etno-at waruk ahe-o, eke At Allah Amloho ninindimu eleg halug, niniluk welamon etno waruk ahe fug-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.