Kolose 3:16 - Allah Wene Hurumbik Keron

¹⁶ Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

Kolose 3:16 ပူးပေါင်းရင်းမြစ်များ

Matius 26:30

it epmano di watuk apareg, Zaitun bunumu lahuog ulug wilip apag.

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Roma 10:17

Eke ari fam, wene inesanggo holtukon etno fam, demat ulug eberoko waruk amuhup-o. Eke Kristus awene fanowon yig isaruk etno fam inesanggo holtuk amuhup-o.

Roma 15:14

Nomini-o, hit hag hinobabut fano mondog welahep ari demat ulug nahla buruk ahi-o. Eke hit yi angge di angge obog alem hiniluk wilil, hit hit hinesanggo war war uruk amon etno demat hiniluk welahep ulug nahla buruk ahi-o.

1 Korintus 14:15

Eke ari halug, an keroho sik-o? Ari, anden sembahyang uruk wilil, nahla bukon etno-at uruk aruhuk-o. Eke anden di uruk wilil, nahla bukon etno-at uruk aruhuk-o.

1 Korintus 14:26

Eke ari halug, hiren uruk amon duroho yig hisamin-o, nomini. Hit sembahyang uog ulug wonggalepfulug, at misihen di misig eheg, eke at misihen wene yanggul iseheg, eke at misihen hurumbik wene yig iseheg, eke at misihen inune akelehon fam yig iseheg, eke at misihen ariroho ehek ulug inune akelehon etno mirlaloko yig iseheg suruk wilil, At Allah udaki epmano inindi oag wereg amag ulug yig isaruk amuk-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 5:17

Eke ari halug, urunangge neken welamon etno sohorep isalug, anden suruk amag ulug At Allahen keroho yig nituk-o, ulug hinindi ebetuk amuk-o.

Efesus 5:19

Eke hit hit wilil, mazmur alem inim, enggangga inim eke i-u inim fanoroho uruk amuk-o. Eke hinindimuen Ninowe wa ulug At ake di etno uruk amuk-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

Kolose 4:6

Eke hinambilik butuk eheg eleg-at it yi aphe di aphe wene yig isaruk wilil, hinune fanoroho yig isaruk amuhup-o.

1 Tesalonika 1:8

Eke hit hinebe alem neken weregma, Allah wene etno o Tesalonika, hit welahep ambeg epmanowen o Makedonia laheg, eke o Akhaya laheg suruk wilil o ahik ya da obog-at su atisimu, niren Allah wene warukukon etno o duma it aphe obog-at inesanggo holtusa-o. Ariroho suruson etno hiniluk heheg, yig hisolowon oke, sohorep isehe-o.

1 Tesalonika 4:18

Ninowe etno ninim welamuhuk ulug hinahla buruk wilil, hit hit hinesanggo wataruk amuk-o.

2 Tesalonika 3:15

Eke at etno mondog-at hinim healeg neken welam fug-o. Ninomin ulug esanggo fikfag watuk amuk-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.

Titus 3:6

Eke At Allahen At Yesus Kristus ninili warukon etno ninake og nisaruk wilil, Roh Kudus kelegso­ho og nisarisi-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

Yakobus 5:13

Eke At Allahen hinaren baltuk atlug-o dagma hinombisahuk nowen, hiren ariroho suhuk uruk ahebon etno demat suruk amuk-o, eke ariroho suhuk fug ulug uruk ahebon etno suruk am fug at-o.

1 Yohanes 2:14

Nudaki-o, hit At Ninikni hiniluk ari famen, anden holal du bal hisihi-o. Niknisi-o, hit At almen welapareg kidia werehon etno hiniluk ari famen, anden holal du bal hisihi-o. Nomini-o, hit elege wilil, hinoag weregsoho welahep ari famen, anden holal du bal hisihi-o. Eke hinindimu Allah wene etno wereg-o. Hiren iblis dahon etno apmarepfirikip-o.

1 Yohanes 2:24

Ari halug, bilin yig hisebahon etno-at hinindimu ebeberiuk-o. Ebetuk hisalug, At Yesus Ikni Allah hinim dambuksoho welamuhup-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.

2 Yohanes 1:2

Ari Allah wene etno nintul nantul ninindimu wereg halug, hit hinebe ninindi hunduhuk welahe-o.

Wahyu 14:3

Nilanggen yet haruk atikikmu, it epmano At horie uruk ambeg epmano inim, eke it inebe empat iniluk werehon epmano inim, it penatua epmano inim inolohotma minduhuk wilil, di keron misig urusa-o. Di uruson etno it inebe seratus empat puluh empat ribu o kweanmen inili waruson epmano-at di ebe ini­luk wilil urusa-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.