Kolose 3:12 - Allah Wene Hurumbik Keron

¹² Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

Kolose 3:12 ပူးပေါင်းရင်းမြစ်များ

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Markus 13:20

Eke dahon inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil, maha imbisahu epmano fam, o dahon inobam umbukon horog arat aruhu-o,

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Markus 13:27

Ambik waharuk aruhukseg, it malaikat epmano Anden o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Lukas 1:78

Eke At Allahen yonggonoko neken yig nisaruk etno ninabuen-at yig nisaruk-o. Eke o witaruk wilil monggik ninobam waharuk etno hag, ninili wawon etno ariroho-at og nisahu-o.

Lukas 18:7

Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 9:11

“Hat hudaki at manggion etno ot fobikon etno anggimbu neken welaruhu-o,” ulug ariroho yig epag ari, at udaki etno awan endoho eleg wilil fanowon inim dahon inim suruk eleg iseheg, hurumbik-at yig epag-o.

1 Korintus 13:4

At misihen aphe inim indi hunduhuk wereg an indimu asine eleg wilil suruk-o. Eke indi sebereg wilil inim fano wereg-o. Eke inim indi hunduhuk wilil, aren uwa uruk eleg-o. Eke ebe suontepataruk eleg-o. Eke aren we yuhun-at suruk eleg-o.

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Efesus 4:24

Ariroho suruk wilil, hinobabut keron-at holao ari fano-o. Eke hinobabut keron ari At Allah ilitoho walteg wilil, yi angge di angge fanoroho seheg, eke hinindi motoho welaheg suruk amuk-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Filipi 1:8

Eke At Kristus Yesus hit hinobam indi hunduhuk wereg etno hag, an hit hinobam nindi hunduhuk welahi-o, ulug an At Allah inuk fam demat yig hisaruk ahi-o.

Kolose 3:10

Eke alem keron ari, At Allah aphe inebe wal hebahon etnowen inobabut ketoho imbisaruk-o.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

2 Yohanes 1:13

Eke hat hot udakien heahi war haptuk-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.