Kolose 3:11 - Allah Wene Hurumbik Keron

¹¹ Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

Kolose 3:11 ပူးပေါင်းရင်းမြစ်များ

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 15:5

Eke An e anggur alem neken welahi-o. Eke hit e inggik etno ilitoho welahep-o. Eke hit An ninim hunduhuk wereg hisalug, alem ari famen hit anggen anggolo yihikup-o. Eke An ninim hunduhuk eleg hisalug, yi angge di angge fanoroho sukon epmano hai aruhu-o.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Kisah Para Rasul 15:17

Eke it yi aphe di aphe o ahik ya da obog Anden nudaki-o ulug inayonggo umburuk aruhukmu, iren Ninikni-o ulug nombolim mug naplug lahup-o,’

Kisah Para Rasul 28:2

Holtuk atukukseg weregma, osit suon misig ninaruk atisimu, sohiken suruk nisaruk atusareg, it aphe o epma werehon epmanowen ninabua nisaruk wilil, hondok suon monggaloko sohik yet ninaptusa.

Kisah Para Rasul 28:4

Ayeg salukseg weregma, it aphe o epma werehon epmanowen inilanggen haruk atusareg uruk wilil, “Wi, ap du ikmen fano wilik wahaon oke, walo duen baltukmu wararikon ari at ebe bilin ap watuk atision ano?” ulug inune fog fog uruk atusama,

Roma 1:14

Eke ap misig baleg angge obam wilil, onggo og eriog ulug suruk etno hag, anden it aphe inune ninilukon epmano inim, it inune ninapelehon epmano inim, eke it inindi yi angge di angge alem inilukon epmano inim, it inapelehon epmano inim obog-at Allah wene etno yig isiog ulug suruk ahi-o.

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 3:29

Eke At Allah it bilin Allah wene inapeleg welatuson epmano hag Inikni fug, nit Yahudi ap-at Ninikni ulug hinahla buruk ahep ano? Ari eleg-o. Nit obog-at dambuksoho Ninikni wereg-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

1 Korintus 14:11

Eke it ap ninen inune an napelehon etno uruk isalug, ap du inune holuk fugsoho uruk du kemon-o? ulug nahla buhuk-o. Eke iren an farim, ap du kemon ulug inahla buhup-o.

1 Korintus 7:19

Eke alem iniyunggul ambilik baltukon etno inim, baltuk elehon etno inim ebe mondog eleg-o. At Allahen wene duroho suruk amuk eke duroho suruk am fug ulug yig nisebahon etno ilitoho sukon ari alem suon-at wereg-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Efesus 1:23

Ariroho wereg iseheg, eke At Kristus yi angge di angge obog werehep isarukon epmano At udaki inim wilil inebe misig-at wereg-o.

Efesus 2:14

Eke At Kristusen it Yahudi ap inim, eke it Allah wene inapeleg welatuson epmano inim it inebe misig-at welamag ulug imbisaruk wilil, ninebe obog-at dambuk ninaptisi-o. Eke At ebe etno waratuk wilil, o hobat neken huli baloko werehon etno mialoko imbirisireg fam, it bilin healeg welatuson epmano dambuk inaptisi-o.

Efesus 2:15

Eke it Yahudi aben wene duroho suruk amuk eke duroho suruk am fug ulug komo yig isebahon etno elegsoho umburuk atisireg, it inungguluag biren neken welatuson epmano misig-at welamag ulug wal haruk wilil, it inim At inim dambuk atusa-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Efesus 6:8

Eke At Allahen it inanggimbu inim eke it iniknisi inim yabuk fanoroho suruk isalug, onggo fanowon og isahu-o.

Kolose 2:10

Eke At ebe selegma apahon etno hit hinim hinindi hunduhuk welahep halug, mondog hiniluk-at welahep-o. Eke At Kristus etno hag, yi angge di angge duma obog At apma-at wereg-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

2 Yohanes 1:9

Ap misihen At Kristus yanggul nisebahon etno sohorep isalug, obam seberoho yig nisaruk halug, At Allah inuk apeleg wilil yig nisaruk-o. At Kristusen yanggul nisebahon etno-at yig nisaruk halug, At Allah Amloho etno inim indi hunduhuk wereg-o.