Kolose 3:10 - Allah Wene Hurumbik Keron

¹⁰ Eke alem keron ari, At Allah aphe inebe wal hebahon etnowen inobabut ketoho imbisaruk-o.

Kolose 3:10 ပူးပေါင်းရင်းမြစ်များ

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Roma 13:12

Eke o hubanggo welamon etno arat eleg ariog ulug suruk ari fam, o seleg etno wariog ulug suruk-o. Eke ari halug, niren it o hubanggo werehon epmanowen surukon epmano sohorep isalug, o ilingge wilil surukon etno ninasehen ninasing wereg epmano hag sen salug welamuk-o.

Roma 13:14

Eke At Ninowe Yesus Kristusen angge etno hinasehen hinasing neken wantalug wilil, hit hinebe kweanmon etnowen dahan fahan suk ulug hinahla bulug surukon etno hinesanggo holtug eleg ilitoho suk fug-o.

Roma 6:4

Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

2 Korintus 4:16

Eke ari halug, nit ninoag elegsoho orog-at neken suruk ahe fug-o. Eke ninebe ninahap epmano ninanggog atuk wilil sabal atuk aheon oke, ninindi undamon etno nintul nantul keron-at wereg-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

Galatia 3:27

Eke hit hinebe At Kristus hinim welamag ulug ikma belap hinaptusareg fam, At Kristus obabut fanowon etno holarikip-o.

Galatia 6:15

Eke iniyunggul ambilik balukon alem etno At Yesus Kristus waharuk wilil elehepfebareg fam, kidia ninebe inim, ninindi inim ketoho ninombisahukon etno alem suon neken wereg-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 2:15

Eke it Yahudi aben wene duroho suruk amuk eke duroho suruk am fug ulug komo yig isebahon etno elegsoho umburuk atisireg, it inungguluag biren neken welatuson epmano misig-at welamag ulug wal haruk wilil, it inim At inim dambuk atusa-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

Kolose 3:14

Eke hele homaharuk etno hag, hinebe misig-at dambulig wilil, hinindi misig-at welamiek-o.

Filemon 1:6

Eke hit obog Allah wene waruk ahebon epmano ninim ninindi misig-at wilil dambuksoho welamuhuken ulug, At Kristus ninim wilil Aren yi angge di angge fanowon epmano og nisarukmu nit obohen fanoroho At obam ebebuhuken ulug sembahy­ang uruk ahi-o.

Ibrani 6:6

It aphe ariroho surukon etnowen At Allah Amloho etno misihim inim e fam lenggaloko umburuk wilil, selegmaroho enggali warepfuruk-o. Ariroho suruk isalug, inebe inili wawon etno hai aruhu-o.

1 Yohanes 2:3

Eke At Allahen komo yig nisarukon etno suruk nisalug, At udaki-at welahe-o, ulug kidia niniluk atuk-o.

1 Yohanes 2:5

Eke at mondog Allah inim hunduhuk wilil surukon etno Aren komo yig nisarukon etno fanoroho suruk-o. Ari fam At Allah ninim welahe-o, ulug niniluk atuk-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,