Kolose 3:1 - Allah Wene Hurumbik Keron

¹ Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.

Kolose 3:1 ပူးပေါင်းရင်းမြစ်များ

Matius 22:44

‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon etno aso wilil, ninggik bikit fil horie ik ma-o,’

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 6:20

Eke yi angge di angge kibolal atuk elehon eke libil atuk elehon inim, aben heraharuk elehon inim bohol­mon ulug dugsoho ombataruk amuk-o.

Matius 6:33

Ari halug, At Allah weregma welamon etno inim, eke Aren yig hisebahon etno ilitoho suruk amon etno inim bilin-at heaharuk amuk-o. Heag saruk amuhupmu, aren yi angge di angge nin epmano obogsoho sumbut hisahu-o.

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Markus 14:62

Hinog waruk apagma, At Yesus etnowen yig ituk wilil, “An nebe du at-o. Eke An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 20:42

Eke at Daud etnowen buku Mazmur etno fam yig nisaruk wilil, ‘At Ninikni Allah etnowen At Ninowe etno yig ituk wilil,

Lukas 22:69

ulug yig isaruk wilil, eke kidia An Allahen minduhup naharision etno Nikni inuk suon etno inggik bikit fil ambeg horie uhuk-o,” ulug yig isebag.

Kisah Para Rasul 2:34

Eke at Daud etnowen, ‘An nebe o boholma lahakuk fug ulug yig isebahon etno hiniluk-o.’ Eke aren hurumbik uruk wilil, ‘At an Niknien Nowe suon etno yig ituk wilil: Hat hebe fobik An ninggik bikit fil horie ik lahik waruhumu,

Kisah Para Rasul 7:55

Inambit haruk iseheg, eke at Stefanus etno Roh Kudus indimu kuruk apagma, ilanggen boholma lahaboho wilil, At Yesus etno Allah inggik bikit fil inim weregma isebag.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

Roma 8:6

Eke hat misig kweanmen sukon etno-at hahla buruk ahen halug, mondog-at wararuhun-o. Eke hat misig At Roh Kudusen yig hitukon etno-at hahla buruk ahen halug, At Allah hinim dambuksoho wilil, mondog-at hiluk welaruhun-o.

2 Korintus 4:18

Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

Efesus 4:10

Eke At bilin ambik wapareg, fobik At ebe boholma anduhunmu laharision etnowen yi angge di angge obog kelegsoho ninombisaharuk-o.

Efesus 5:22

Eke hit hweap ari, At Ninowe apma welahep etno hag, hinahuni inapma welamuk-o.

Kolose 2:20

Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Kolose 3:2

Eke kweanmon epmano hinindi ebebuk sohorep isiek-o.

Ibrani 1:13

Yig ituk apareg, eke At Allahen yig ituk wilil, “E hebe horieg welahenon hapma wereg etno hag, it ap hinim healeg welahebon epmano hiog apma imbisahukon etno aso welaruhunen, Hat hebe ninggik bikit fil duma horie ik ma-o,” ulug it malaikat etno ariroho yig isebag fug.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 8:1

Eke wene uruk aheon etno alem du at-o: Nit Ninowe Allah unde suon misig etno At Allah suon alon werehon etno horieg wereg ambeg inggik bikit fil horieg wereg-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.