Kolose 2:8 - Allah Wene Hurumbik Keron

⁸ Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

Kolose 2:8 ပူးပေါင်းရင်းမြစ်များ

Matius 10:17

Eke fobik sen hinaplug, it ap Allah unde suon wene baltuk ambeg epmano inim, eke o Allah wene uruk ambeg epmano inim, hinombisahik lalug, epmanowen yikangge hinusuhup-o.

Matius 16:6

Laruk apagma, At Yesus etnowen yig isaruk wilil, “Roti su amag ulug umburukon etno ilitoho, it Farisi Saduki ap inim ariroho wereg-o. Ari halug, inaren baluhuben hinindi ebetuk amiek-o,” ulug yig isebag.

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 17:32

Eke at Paulusen ap warehon minduhupfisahu-o ulug yig isarision etno inesanggo holtuk atusareg, it ninen ahunda yatusa. Ahunda yatuk atusama, eke it ninen yig ituk wilil, “Ehenon etno fobik dahagsoho yig nisahun-o,” ulug yig ituk atusama,

Roma 16:17

Nomini-o, it ap ninen aphe fano werehon healoko imbiseheg, eke it apheyen wene demat ulug ebetukon etno seberoho embeheg, eke wene yanggul hisarukukon epmano hai neken inahla beheg surukon epmano fikfag yaharoho wilil, hinim dambuksoho welam fug-o, ulug yig hisaruk ahi-o.

1 Korintus 10:12

Eke ari halug, ap misihen, an suon minduhuk welahi-o, ulug ahla burukon ari dag surukim indi aso welamag-o.

1 Korintus 8:9

Eke hiren yuhun-at suruk ahebon etno it aphe inindi oag elehon epmanowen inilanggen hisalug, ari fam it dag suk nowen ulug hinilanggen yaharoho welamiek-o.

2 Korintus 10:5

Eke nit oag werehon og nisarukon etno fam yi angge di angge oag werehon epmano lehet neken mialtuk wilil, inenggal wene urukon epmano sahaloko imbiseheg, eke At Allah ebe niniluksoho welamon seberoho umbuog ulug surukon epmano elegsoho imbiseheg, eke it aphe inahla burukon epmano hele waroko neken imbisalug At Kristus une etno holukag ulug apma imbiseheg suruk ahe-o.

Galatia 1:14

Eke it nomini Yahudion nin it Yahudi ap inawene etno yuhun-at waruson oke, eke an hag nindi fam fikfag eberoko neken waruk wilil, it ninetamukien ariroho siuk ulug ebahon epmano ilitoho-at suruk atikik-o.

Galatia 4:3

Eke ari ilitoho nit ninindi ebetuk aheon etno awan su atuk eleg heheg, walhan du at-o, ulug at anggimbu neken uruk atukuk-o.

Galatia 4:9

Eke kidia At Allahen hit iluk wereg etno fam, hit At Allah hiniluk oke, hit keroho ulug it kwanangge inoag elehon etno farim fobik hinindi ebebuog ulug suruk ahep-o? Ariroho suruk ahep ari, hit nin fobik inim-at inanggimbu welamuog ulug suruk ahep ano?

Galatia 5:15

Eke wam elien it it aptuk etno hag, hit nambit hambit uruk wilil, hit hit healtuk ahep ari, ninonggarehen watehe ha nowen ulug hinahla buruk wilil, yaharoho welamag ulug yig hisihi-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Efesus 4:20

Eke At Kristus awene etno ariroho yanggul hisarusa fug-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

Filipi 3:2

Eke it ap dag surukon epmanowen yangge neken wilil, hiniyunggul ambilik balsaruk amiek-o, ulug urukon etno yaharoho welamiek-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Kolose 2:20

Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Kolose 2:22

Yi angge di angge kweanmon epmano filik atukon halug, it apheyen-at na fug-o ulug usa yig hisaruk-o.

Kolose 2:23

Usa ulug urukon ari, we demat neken uruk oke, eke it urunangge neken uruk-o. Eke iren it malaikat ininuk fam sembahyang iuk-o. Eke misig du na fug-o, eke misig an doron nune du-at hinesanggo holtuk amiek-o, ulug inenggal-at uruk-o. Yi angge di angge na fug-o urukon ari fam inoag eleg atuk-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

1 Petrus 1:18

Eke it hiniknisien dag surukon epmano yig hisarukmu suruk atikibon etno hinapelegsoho hinombisahukag ulug onggo embebag etno hit hiniluk-o. Eke onggo etno emas, perak fobik eleg atukon epmano ilitoho embebag fug-o.

2 Petrus 3:17

War inabuhu oke, eke hit nomini, holal du bal hisihion etno fam arat hiniluk aha-o. Ari yig hisihi ari, it inenggal wene urukon epmanowen hinindi kahaltukmu bule ambulug watehep ha nowen ulug yig hisihi-o, nomini. Ari hit hinindi yaharoho welamag ulug yig hisihi-o.

2 Yohanes 1:8

Ari halug, hit onggo fanowon og hisawon eleg am nowen, hit hinindi yaharoho welamiek-o. Hit yabuk fano sirikipseg fam, onggo holahubon etno welamag-o.