Kolose 2:7 - Allah Wene Hurumbik Keron

⁷ Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

Kolose 2:7 ပူးပေါင်းရင်းမြစ်များ

Lukas 6:48

It epmano at ap ibam falsarukon etno ilitoho wereg-o. Eke at ap etno ibam falsiog ulug kwean sega fam ele balepfuruk apareg, o wut etno atog helep fam imbik ambebareg falfag-o. Ariroho falepataruk apagma, ikmuk waharuk wilil, ibam etno sahaloko walug liog ulug suruk apagma, eke ibam etno helep fam oag weregsoho falfahon etno sahaloko walug lebag fug-o.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 1:21

Eke nit ariroho uruk aheon epmano At Kristus ninim ninoag weregsoho ninombisaharuk ari, At Allahen-at-o. Ari halug, At Allahen-at fuloko ninombisaharisireg fam Aren silo neken ninombisaharisi-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 4:21

Eke At awene etno yig hisarukmu hinesanggo holtikipseg eberoko waruk hisalug, At Yesus awene demat urukon etno yanggul hisarusa-o.

Efesus 5:20

Eke At Ninowe Yesus Kristus inuk fam sembahyang uruk wilil, yi angge di angge obog epmano farim Ninikni Allah wa ulug yig ituk amuk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

1 Tesalonika 5:18

Eke dahon hinobam embeheg, fanowon hinobam embeheg suruk halug, nintul nantul Hinikni wa ulug uruk amuk-o. Eke At Yesus Kristus inuk fam nintul nantul wa ulug sembahyang uruk amag ulug At Allahen ariroho siuk ulug yig nisarisi-o.

Ibrani 13:15

Eke At Yesus etnowen nit ninake suruk apag etno fam, niren At Allah ake di At inuk suontepfukon etno-at uruk amuk-o. Ariroho uruk wilil, ninuneyen nintul nantul At obam wa eheg, inuk suontepfeheg suruk amuk-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.