Kolose 2:20 - Allah Wene Hurumbik Keron

²⁰ Eke At Kristus warapag etno hag hit hinindi amukon etno sohorep isarikipseg oke, keroho ulug it yi ap di ap kweanmon inune holtuk ahep-o? Eke keroho ulug it kweanma suon neken werehon epmano inobam hinindi ebetuk ahep-o?

Kolose 2:20 ပူးပေါင်းရင်းမြစ်များ

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

2 Korintus 10:3

Eke ninebe o kweanma duma wilil oke, wim aptuk amon etno it aphe kweanmon inobabut dahonen suruk etno hag suruk ahe fug-o.

Galatia 4:3

Eke ari ilitoho nit ninindi ebetuk aheon etno awan su atuk eleg heheg, walhan du at-o, ulug at anggimbu neken uruk atukuk-o.

Galatia 6:14

Eke an hag, At Ninowe Yesus Kristus e fam lenggaloko embebagma, nit ninake warapahon etno inuk-at suontepfuruk aruhuk-o. Eke at ebe ariroho an nake warapareg fam, yi angge di angge it ap kweanmonen surukon epmano elegsoho imbisaruk ahi-o. Eke it aphe kweanmonen an nebe inapeleg neken atisi-o.

Efesus 2:15

Eke it Yahudi aben wene duroho suruk amuk eke duroho suruk am fug ulug komo yig isebahon etno elegsoho umburuk atisireg, it inungguluag biren neken welatuson epmano misig-at welamag ulug wal haruk wilil, it inim At inim dambuk atusa-o.

Kolose 2:14

Hit dag suruk atikibon epmano hinaholal baleg weregma oag del hinaplep oke, eke hit hinaholal etno senetuk apareg, e salib etno fam warepfebag-o. Warepfuruk apareg, hit dag suruk atikibon epmano hinapelegsoho At apma hinombisahabag-o.

Kolose 2:16

Eke ari halug, ap misihen uson ari na fug-o, werlek-at esetuk amiek-o; eke bikalem duhum funu fam, o hari Sabat surukon etno suruk amiek-o, ulug hinindi kahalik wam nowen-o.

Kolose 2:21

It kweanmon epmanowen du haltuk imbisin-o, eke du na fug-o, eke du senebuk fug-o, ulug yig hisaruk halug, hiren inune holuk fug-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

Kolose 3:3

Eke hit hinindi dahon At Kristus inuk fam sohorep isarikip halug, At Kristus hinim wilil, Allah apma-at welahep-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.