Kolose 2:19 - Allah Wene Hurumbik Keron

¹⁹ Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.

Kolose 2:19 ပူးပေါင်းရင်းမြစ်များ

Lukas 5:38

Eke wam ahap keron deneg etno fam e anggen ambusu keron etno honangguk fano-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 11:3

Eke ari halug hit hiniluk amuhuben wene misig eberihion du yig hisaruk ahi-o. Eke it yi ap di ap epmano inungguluag neken At Kristus akeleg-at wereg-o. Eke it hweap inungguluag neken ari inahuni-at wereg-o. Eke At Kristus ungguluag neken At Allah-at wereg-o.

1 Korintus 3:6

Eke anden i yatikik-o. Eke at Apolosen hohol warisi-o, ik deltil larisi-o, eke At Allahen i yahowon etno unggum lahapfik waharisi-o.

Efesus 1:22

Eke At Allahen yi angge di angge obog At Kristus iog alma umburuk apareg, yi angge di angge inim, eke yi aphe di aphe inim inowe suon welamag ulug At udaki At awene warukon epmano og isebag-o. Eke At Kristus etno ariroho At ungguluag neken weregma, it At awene warukon epmano At ebe neken wereg-o.

Efesus 1:23

Ariroho wereg iseheg, eke At Kristus yi angge di angge obog werehep isarukon epmano At udaki inim wilil inebe misig-at wereg-o.

Efesus 2:21

Eke ariroho weregma, o wut oag etno fam hinibam oag weregsoho wereg hiseheg, aren At Allah ibam sembahyang uruk ambeg ulug fal hisaruk-o.

Efesus 4:3

Eke At Roh Kudus etnowen dambuksoho hinombisaharuk halug, hinebe misig-at welamuk-o.

Efesus 5:29

Eke it aphe inebe epmano inonggarehen inambit hun saruk eleg wilil, inaharom nenggeg, eke onggarehen fanoroho aso welaheg suruk-o. Eke At Kristus etno At udaki ariroho inaso wereg-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:18

Eke it At Kristus awene warukon epmano At ebe neken wereg-o. Eke inungguluag ari At Kristus wereg-o. Eke niniluk atukon etno inim alem At Kristus-at wereg-o. At Amloho manggia etno it aphe warehon wereg ambeg epmanowen minapareg, yi angge di angge obog alem at-at wereg-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

1 Tesalonika 3:12

Eke niren hinobam ninindi hunduhuk welahe etno hag, hinomini hinim hunduhuk welamon etno inim, eke it aphe obog hinim hunduhuk welamon etno inim, At Ninowe etnowen anggolo og hisawag ulug sembahyang uruk ahe-o. Ariroho og hisahu halug, hinindi oag werehep hisahaku-o. Eke ariroho og hisaruk aruhumu, hinobabut fano mondog welamuhup-o. Ariroho wereg hisalug, At Ninowe udaki epmano obog inim waharuk amuhupmu, At Ninikni Allah il fam hit hinindi fano mondog welamuhup-o.

1 Tesalonika 4:10

Eke Aren yanggul hisarision etno hiniluk wilil, it hinomini o Makedonia werehon epmano obog hinindi hunduhuk welahep ari fano neken welahep oke, fobik inim obam seberoho sukag ulug yig hisaruk ahe-o nomini.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.