Kolose 2:15 - Allah Wene Hurumbik Keron

¹⁵ Ariroho hinombisaharuk apareg, warapag-o. Eke At ebe warapareg fam, it yi angge di angge inoag weregsoho werehon epmano inoag elegsoho imbisaruk apareg, it yi aphe di aphe inilanggen hawag ulug selegma-at apma imbisebag-o.

Kolose 2:15 ပူးပေါင်းရင်းမြစ်များ

Matius 12:29

Eke at ap oag werehon ibam unde etno ilanggen wereg heheg, Aren angge wak kuk hai-o. Ap etno hele waroko umbulug-at it ap ninen aren angge herako walug wilip atuk-o.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Lukas 11:22

Eke ap etno ap misihen warepfuruk atlug, asehen inim, aharek inim diloko holaruk-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 19:30

Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.

1 Korintus 15:24

Eke At Kristus etnowen it inenggal wene yig isarukon obog inim, eke it inowesi neken werehon epmano inim eke it inoag werehon epmano inim it obog inoag elehep isaruk aruhureg, Aren At Allah akeleg-at inuk suon-at welamag ulug og iruhu-o.

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 3:10

Eke At Allah yi angge di angge obog wal hebahon etno bilin wene du heraho welamag ulug dugsoho embebahon oke, eke kidia At awene warukon epmanowen it malaikat inim, eke it inowesi boholmon inim, At Allah yiroho diroho suruk ilukon etnowen ahla buruk atlug, duroho suruk-o, ulug iren iniluk amag ulug yig isaruk-o.

Efesus 4:8

Eke Alkitab etno fam duroho yig nisaruk-o, “At etno boholma laharuk atisireg, aphe obog inahele hibiloko imbisalug, yi angge di angge epmano og isarisi-o,” ulug Alkitab fam ariroho weregma,

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Kolose 1:16

At Allah amloho inimen o kweanma boholma yi angge di angge obog wal haruk wilil, yi angge di angge haruk aheon epmano inim, eke haruk ahe fuhon epmano inim, yi angge di angge inahut inim, eke yi ap di ap suon epmano inim wal hebag-o. At Kristus etno inimen wal haruk wilil, eke yi angge di angge epmano At Kristus og iriog ulug wal hebag-o.

Kolose 2:10

Eke At ebe selegma apahon etno hit hinim hinindi hunduhuk welahep halug, mondog hiniluk-at welahep-o. Eke At Kristus etno hag, yi angge di angge duma obog At apma-at wereg-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.