Kolose 2:13 - Allah Wene Hurumbik Keron

¹³ Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

Kolose 2:13 ပူးပေါင်းရင်းမြစ်များ

Lukas 15:24

Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 9:60

At Yesusen yig ituk wilil, “It waratukonen it warehon epmano kweanma salep isaruk amag ulug sohorep isin-o eke hat hag, At Allah weregmen sukon etno yig isil alu-o,” ulug yig epag.

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Roma 4:17

Eke Alkitab etno fam yig nisaruk wilil, “It o ahik ya da yi aphe di aphe obog-at inikni neken welamag ulug minduhup haharikik-o,” ulug yig epag-o. Eke at Abraham Allah obam ebepahon etnowen og hisahuk ulug ebag ari demat og nisahu-o. Eke At Allahen it warehon inilukep iseheg, eke yi angge di angge inebe elehon epmano wereg amag ulug une yig iseheg suruk ulug ninahla buruk ahe-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

1 Korintus 15:36

Eke hat i yatuk ahenon epmano filik atuk eleg halug, fobik iluk welaruhu fug-o.

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 5:19

Ariroho mondep nisaharisireg fam, niren it aphe obog hurumbik yig isaruk ahe-o, At Kristus inuk fam At Allahen it aphe obog inim dambuk inaptisireg fam, iren dag suruson epmano onggo dahon inobam umbukon epmano elehepfirisi-o. Eke At Allahen aphe dambuk inabukon wene etno yig isil lawag ulug mondep naharisi-o.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

1 Timotius 5:6

Ariroho uruk amuhubon oke, at hwe suhweon indien bulug-at dahan fahan suruk wilil, ebe ilukon oke, warehon neken wereg-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

Ibrani 6:1

Ari halug, At Kristus awene alem-at yig nisaruson etno dot awan wereg heheg, wene ebe undamon it inanggohonen inahla burukon etno niniluk amag ulug yanggul saruk amuk-o. Eke niren dag suruk atukukon sohorep isawon etno inim, eke At Allah obam ebebukon etno inim niniluk atukukseg, o andorli neken arat umburukukseg fam, fobik inim umbuk ari hai-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Yakobus 2:17

Ari Allah wene hinambilik selema-at uruk wilil, ilitoho suruk eleg hisalug, ap warehonen yi angge di angge suruk eleg etno hag wilil, Allah wene waruk ahep-o.

Yakobus 2:20

Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.

1 Yohanes 2:12

Nudaki-o, hit dag suruk ahebon epmano At Kristus inuk fam hinapelegsoho imbisarikip famen, anden holal du bal hisihi-o.