Kolose 2:11 - Allah Wene Hurumbik Keron11 Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o. အခန်းကိုကြည့်ပါ။ |
Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.
Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.
Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.
Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.
Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,
Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.