Kolose 2:1 - Allah Wene Hurumbik Keron

¹ Eke yabuk ari suruk wilil, hit Kolose ap inim, eke it Laodikia ap inim, eke it ap nin an nebe inilanggen nearusa fuhon inim obog-at hinake an narug fanoroho suruk wilil, yabuk sat anggolo suruk atikik etno yig hisamin-o. Hit obog hinindi oag weregsoho welamag ulug, hat misihen nindi eheg, eke hat misihen nindi eheg uruk wilil, hinindi hunduhuk welamag ulug,

Kolose 2:1 ပူးပေါင်းရင်းမြစ်များ

Lukas 22:44

Indi oag werehepfuruk apagma, indi dag atuk wilil, sembahyang mondog uruk apag. Urukmu, At etno obamen ilisag mep degsoho kweanma amburuk etno hag amburuk apag.

Kisah Para Rasul 20:25

Eke At Allah weregmen sukon wene etno yig hisaruk wilil, hit obog ninim welatukuk-o. Eke fobik an nebe etno hit obohen hinilanggen neahup fug-o,” ulug yig isaruk atisireg, yig isaruk wilil, “Eke kidia alem misig yig hisamin-o.

Kisah Para Rasul 20:38

Ari aren bilin an nebe neahup fug-o ulug yig isarisi etno fam inindi dag atuk atusareg, at etno so fam liog ulug surukmu mondepfurusa.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

Filipi 1:30

Ariroho dahon epmano hinobam umburuk isalug, hit an nebe ilitoho seg atuk atikipseg, at setan inim wim aptuk ahe etno an ninim-at aptuk ahe-o. Eke amuk an ninim aptuk atukukon epmano hinilanggen haruk atikipseg, kidia ariroho inim aptuk-o, ulug hinesanggo holtuk ahep-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 1:29

Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Kolose 2:5

Eke an nebe yatma-at welahi oke, nahla buruk ahion etno hit hinim horog-at wereg-o. Ariroho weregma, At Kristus awene eberoko waruk wilil hinoag weregsoho welahebon etno nilanggen haruk wilil, an nahientoho-at welahi-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.