Kolose 1:7 - Allah Wene Hurumbik Keron

⁷ At ninomin Epafras etnowen yig hisarukmu, eberoko warikip-o. Eke at Epafras etno niren yig itukmu, At Kristus eyabuk eberoko suruk etno fam,

Kolose 1:7 ပူးပေါင်းရင်းမြစ်များ

Matius 18:29

Yig ituk apagma, at omin etnowen ut wanduk uruk apareg, yig ituk wilil, ‘Orog-at sin-o. An fobik nowang wereg atuk halug, onggo og hiruhuk-o,’ ulug yig epag.

Matius 24:45

At Yesusen yig isaruk wilil, “Anggimbu indi enggaron ilukon etno sa-o? Ari, at o unde etnowen anggimbu fanowon etno heako umbulug, it anggimbu nin epmano inowe neken wilil, inaso welaheg, eke osi epmano inaharom nintul nantul og iseheg suruk amag ulug minduhupfuruk-o.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

1 Korintus 4:17

Eke an At Kristus inuk fam o ahik ya da At Allah udaki wereg ambeg wene yanggul isaruk ahion epmano nobabut suruk ahion hinindi ebebukag ulug, an namloho Timotius indi oag weregsoho sil nurukon, At Ninowe inuk fam nindi hunduhukon etno hinambeg lahabik waharikik-o.

1 Korintus 4:2

Eke it ap ariroho wene yig isarukon ari Iniknien ariroho siuk ulug yig isarukon epmano ilitoho suk ari fano. Ilitoho suruk amag ulug inaren baltuk wereg-o.

1 Korintus 7:25

Eke kidia it ap elege, hweap duhumon inawene etno At Ninowe etnowen yig isawag ulug yanggul nitisi fuhon oke, eke At Ninowe etnowen nabua nearisireg fam, nahla eberoko suruk wilil nindimuen wal haruk ahion etno yig hisamin-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

Efesus 5:21

Eke hit obog-at Kristus hinakoltoho welahebon epmano hit hit napma hapma wilil seberoho welamuk-o.

Filipi 2:25

Eke at ninomin Epafroditus etno inim-at lahapfik wariog ulug nahla birikik-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

Kolose 4:7

Eke ninomin Tikhikus Allah yabuk eberegsoho ninim nintul nantul suruk aheon etnowen at Paulus duroho wereg ulug yig hisahu-o.

Kolose 4:9

Eke at ninomin Onesimus hit hinot etno inim-at lahapfuruk ahi-o. Ari halug, it obog duroho wereg-o ulug yig hisahup-o.

1 Timotius 4:6

Eke hat Allah wene eberoko wawon etno inim, eke wene du demat ulug ebetukon etno inim amuk arat yanggul hitusareg fam haren an wene yig hirihion du homini obog yanggul isaruk healug, At Yesus Kristus anggimbu fano mondog welaruhun-o.

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

Filemon 1:23

Eke at Epafras etnowen Kris­tus Yesus awene yig isarukmu ninim hele war ninaptuson etnowen heahi war haptuk-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 3:2

Eke at Musa etno o Allah ibam wilil, nintul nantul yabuk fanoroho suruk apag etno hag, At Allah Amloho Yesus yabuk du suruk amag ulug fuloko embebahon etnowen arug fanoroho suruk apag-o.