Kolose 1:3 - Allah Wene Hurumbik Keron

³ Eke niren hit hinake sembahyang uruk wilil, At Allah Ninowe Yesus Kristus Ikni etno-at nintul nantul wa ulug yig ituk ahe-o.

Kolose 1:3 ပူးပေါင်းရင်းမြစ်များ

Roma 15:6

Eke ari fam, hit obog hinebe dambuksoho hinune misig-at uruk wilil, At Allah Ninowe Yesus Kristus Ikni etno inuk-at suontepfuruk amag ulug yig hisihi-o.

1 Korintus 1:4

Eke At Allahen hinabua hisaruk wilil At Kristus Yesus og hisebahon etno anden nintul nantul hit farim Ninikni Allah wa ulug yig ituk ahi-o.

2 Korintus 1:3

At Allah Ninowe Yesus Kristus Ikni etnowen nit ninabua nisaruk wilil, yalmag ninaptukon etno wa ulug yig imuk-o.

Efesus 1:15

Eke hiren At Ninowe Yesus obam ebetuk ahebon epmano inim, eke hiren it Allah udaki obog inobam hinindi hunduhuk welahebon epmano inim, obog-at an nesanggo holtuk atikikseg, nintul nantul hit farim At Allah wa ulug yig ituk atikik-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Filipi 4:6

Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

1 Tesalonika 1:2

Eke niren nintul nantul sembahyang uruk wilil, hit farim At Allah wa yig ereheg, eke hit hinake sembahyang eheg suruk ahe-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.