Kolose 1:29 - Allah Wene Hurumbik Keron

²⁹ Eke an noag weregsoho welamag ulug At Kristusen oag werehon etno og nituk halug, hinindi yabuk etno an noag weregsoho-at suruk ahi-o.

Kolose 1:29 ပူးပေါင်းရင်းမြစ်များ

Lukas 13:24

“Hat sok ele doron etno fam kiog ulug suruk aruhun-o. Eke it aphe nin sok ele doron etno fam kulen ulug suhubon oke, hai aruhu-o, ulug demat yig hisaruk ahi-o.

Roma 15:20

Ariroho wene fano wene etno yig isil laruk wilil, it At Kristus inuk inesanggo holtuk eleg ambeg epmano-at yig isil larikik ari, ap misihen o andorli belabeg ambeg etno anden falihi ha nowen ulug, wene inapeleg ambeg-at yig isil larikik-o.

Roma 15:30

Ari halug, nomini-o. At Roh Kudus etno ninindi hunduhuk wilil, At Ninowe Yesus Kristus ninim welahe ari fam yig hisamin ari, hiren ap wim duhure bik isa laruk etno hag, an nake nintul nantul At Allah obam sembahyang uruk amuk-o.

1 Korintus 12:11

Eke yi angge di angge obog og nisarukon epmano ilitoho suruk amag ulug At Roh Kudus misig etnowen-at og nisaruk ari, At ahla buluhen nit yi aphe di aphe nineyabuk dombog-at og nisaruk-o.

1 Korintus 12:6

Eke yi seheg, di seheg suruk wilil, ineyabuk dombog-at wereg oke, At Allahen it aphe yi angge di angge suruk amag ulug fuloko imbisarukon epmano ebe misig-at wereg-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 13:3

Eke hiren at Paulus du Kristusen yig itukmu uruk ano ulug hit hiniluk amuhuken ulug hinog waruk ahep ari fobik hiniluk aruhu-o. Eke At Kristus etno hit hinahla epma wilil oag elegsoho suruk eleg-o, at mondog oag weregsoho-at suruk-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Efesus 1:19

eke nit Allah wene waruk aheon At Allahen oag weregsoho ninoag werehep nisaharukon etno inim, obog-at fanoroho ebebukag ulug yig hisihi-o. Eke nit ninoag werehep nisaharuk etno hag,

Efesus 3:20

Eke At Allah ninindi yabuk oag weregsoho surukon etno niren kino uruk wilil obam sembahyang uruk nisalug, niren ninindi ebetuk aheon epmano obam seberoho og nisiog ulug ahla buruk-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 1:30

Ariroho dahon epmano hinobam umburuk isalug, hit an nebe ilitoho seg atuk atikipseg, at setan inim wim aptuk ahe etno an ninim-at aptuk ahe-o. Eke amuk an ninim aptuk atukukon epmano hinilanggen haruk atikipseg, kidia ariroho inim aptuk-o, ulug hinesanggo holtuk ahep-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

Kolose 2:1

Eke yabuk ari suruk wilil, hit Kolose ap inim, eke it Laodikia ap inim, eke it ap nin an nebe inilanggen nearusa fuhon inim obog-at hinake an narug fanoroho suruk wilil, yabuk sat anggolo suruk atikik etno yig hisamin-o. Hit obog hinindi oag weregsoho welamag ulug, hat misihen nindi eheg, eke hat misihen nindi eheg uruk wilil, hinindi hunduhuk welamag ulug,

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

2 Tesalonika 3:8

Eke at ap misihen yi angge di angge og nisarukmu, niren onggo eleg yuhun-at holarukuk fug-o. Eke ariroho holarukuk fureg, yabuk sat anggolo suruk atukuk-o. Eke ilikia hupmu yabuk suruk atukuk ari, hat misihen nit ninabuen yi angge di angge og nisa nowen ulug suruk atukuk-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Ibrani 12:4

Eke hit hinebe etno bilin alem dag surukon epmano hinim wim aptuk wilil, mondog ninusukag ulug hinahla buruk wilil suruk atikip fug-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.