Kolose 1:28 - Allah Wene Hurumbik Keron

²⁸ Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Kolose 1:28 ပူးပေါင်းရင်းမြစ်များ

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Markus 6:34

Bilin arik lebareg weregma, At Yesus etno so famen ik ayegma wilip atuk apag, it aphe obog wonggaleg weregma ilanggen isaruk apareg, ahla buruk wilil, “It aphe du wam domba ap inaso welamon elehen inakeleg-at wereg etno hag wereg isihi-o,” ulug inabua isaruk apareg, yi wene di wene obog-at yangguloko yig isebag.

Lukas 21:15

Eke Anden hinindi enggatep hisahalug, yig hisarukmu, it hinim healeg welamuhubon epmanowen wene onggo yig hisao hai atuken, hinenggal uruk ahep ulug yig hisahup fug-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 11:20

Yig isil laruk apareg weregma, it nin o Siprus inim, o Kirene inim Allah wene webahon epmano o Antiokhia waharuk apareg, Ninowe Yesus wene fanowon etno it Allah wene inapelehon inim obog-at yig isebag.

Kisah Para Rasul 13:38

Ari halug, nomini-o, hit dag suruk atikibon sohorep isawon wene etno At Yesus inuk fam hit obog-at yig hisaruk ahi-o. Eke at Musaen wene duroho suruk amuk eke duroho suruk am fug ulug ebahon etno hinesanggo holtuk wilil, dag-at surukmu, kidia hit obog Yesus inuk eberoko waruk hisalug, hiren dag suruk atikibon epmano sohorep isalug apma hinombisaharuk-o.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 3:20

Hiren seberepatalug weregma, At Allah hinim wilil hinindi oag werehep hisahalug, At Yesus Kristus hit hinake heako imbirision etno fobik belabik waruhu-o.

Kisah Para Rasul 5:42

Laruk ap nintul nantul o Allah ibam inim, it aphe inibam epmanowen Yesus Kristus awene fano wene etno yanggul isil nuruk apag.

Kisah Para Rasul 8:35

Yig ituk wilil, wene holal bilin wane sebahon etno fam At Yesus wene fano wene etno yig epag.

Kisah Para Rasul 8:5

Nin eke at Filipus etno o Samaria laruk apareg, Kristus wene fano wene etno it aphe obog yig isebag.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Roma 16:25

Ari fam, nit obohen At Allah inuk-at suontepfuruk amuk-o. Eke wene fano wene yig hisaruk ahion etno inim, eke At Yesus Kristus awene etno inim, eke wene o amuk herako neken welapahon oke, kidia selegma bukaloko yig nisarukon etno inim obog-at hiren demat-o ulug hinindi ebebukag ulug At Allahen hinindi oag werehon etno og hisiog ulug oag weregsoho suruk-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 15:12

Eke At Allahen Kristus warapag ambehen minduhupfebahon wene etno selegmaroho yig hisaruk nisalug, it aphe hiron ninen “Nit waratuk ambeg epmen minahe ha fug-o,” ulug uruk ari keroho ulug uruk-o?

1 Korintus 2:15

Eke at ap Roh Kudus indimu werehon ari yi angge di angge obog inaren baltukon oke, eke it ap werlekonen at ap etno aren baluk hai-o.

1 Korintus 2:6

Eke anden wene iniluk amon etno-at yig isaruk ahi-o. Eke it kweanmon epmano kidia suon neken wereg oke, fobik inoag eleg amuhubon epmanowen inune enggatsoho ukon etno sohorep isalug, anden it inindi werehon epmano wene iniluk amon etno-at yig isaruk ahi-o.

1 Korintus 4:14

Eke hit hinenggali war hinabiog ulug wene du holal bal hisaruk ahi fug-o, eke an nudaki nindi hunduhukon epmano inesanggo war inabiog ulug-at suruk ahi-o.

2 Korintus 10:14

Eke At Kristus awene fanowon etno yig hisa waharuk wilil, nit ninowalangge og nisarision etno seberoho imbisalug waharukuk fug-o.

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Efesus 5:27

Ariroho inakeleg-at imbisebareg fam, At udaki epmano dag seheg eleg fano mondog welamag ulug endag inapag-o.

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Kolose 2:10

Eke At ebe selegma apahon etno hit hinim hinindi hunduhuk welahep halug, mondog hiniluk-at welahep-o. Eke At Kristus etno hag, yi angge di angge duma obog At apma-at wereg-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

1 Tesalonika 4:6

Eke ari halug hinominien angge herahapateheg, eke hinalomnangge weheg, suruk am fug-o. Eke it ap dag surukon ari At Allahen onggo dahon etno inobam umbuhu-o, ulug bilin hinesanggo watuk wilil yig hisarukukon etno-at dahagsoho yig hisaruk ahe-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

Ibrani 10:14

Ari halug, At Kristus etnowen misihim-at Allah ake embebareg fam, Aren it aphe dag surukon etno inindi ho inaptukmu, initog mondog fano welamag ulug imbisebag-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

2 Petrus 3:15

At Allahen ninabua nisalug ninaso wereg-o. Ariroho wereg ari, fobik ninili wiog ulug ninaso wereg-o, ulug hinindi ebetuk amiek-o. Eke an wene yig hisaruk ahi du, bilin at Paulusen holal fam yig hisarision etno-at yig hisaruk ahi.