Kolose 1:27 - Allah Wene Hurumbik Keron

²⁷ Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 1:27 ပူးပေါင်းရင်းမြစ်များ

Matius 13:11

eke aren yig isaruk wilil, “At Allah weregmen sukon wene herahowon etno hit unde wilil hiniluk amag ulug yangguloko yig hisaruk ahion oke, it etno hag selegmaroho yig isaruk ahi fug-o.

Lukas 17:21

Eke At Allahen sukon etno kidia hinindimuen-at suruk halug, ap misihen uruk wilil, ‘At Allahen sukon epma hihi-o,’ eke nin, ‘Etlemen surukmu hihi-o,’ ulug uhu fug-o,” ulug yig isebag.

Yohanes 14:17

Eke it aphe kweanmon Allah wene waruk elehon epmanowen At Roh Kudus etno inilanggen haruk wilil, ebe iniluk aheg suruk eleg etno fam, At Roh Kudus etno inindimu kuruk eleg-o. Eke hit hag At ebe hiniluk welamuhup etno fam, At ebe hinindimu wilil, nintul nantul hinim welamuhup-o,” ulug yig isebag.

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

Roma 11:33

Eke At Allahen ahla burukon ari mondog suon neken-at wereg-o. Eke At ebe indi oag werehon etnowen yi angge di angge alem obog-at iluk wereg-o. Eke Aren duroho suhuk ulug ahla burukon etno at sen alem heahaku-o? Eke alem ariroho suhuk ulug indi ebetukon etno sen aren baluhu-o?

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 8:10

Eke At Kristus hinindimu wereg halug, hinebe dag sirikibon epmano fam warehon neken welahebon oke, eke At Roh Kudus etno hinindimu wereg etno fam At Allah hinim welamuog ulug dambuk hinaptisireg, hinebe hiniluk-at welahep-o.

Roma 9:23

Eke Aren it aphe nin anggoloroho inabua isaruk atlug suontep isawon etno iniluk amag fuloko imbisebag-o.

1 Korintus 3:16

Eke hit hinebe At Allah ifaleg neken-at welahep oke, eke hit At Roh Kudus etno ninindimu wereg eleg buruk ahep ano?

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 2:22

Eke At Kristus hinim dambuksoho welahep etno fam, it Allah udaki obog epmano hinim At Allah ibam Roh Kudus wereg ambeg ulug fal hisaruk-o.

Filipi 4:19

Eke At Nikni Allah, yi angge di angge obog unde werehon etnowen At Kristus Yesus inuk fam Aren angge erlog-at og hisahu-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

Kolose 2:3

Aren yig nisebahon etno fam bilin At Allahen yi wene di wene iniluk amon dugsoho embebahon epmano bukaloko neken iniluk atuk-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

1 Timotius 1:1

Nomin Timotius wai. An Paulusen hat namloho ninim Allah wene waruk aheon etno holal du bal hituk ahi-o. Eke At Allah ninili warukon etno inim, eke At Kristus Yesus fobik fano ninabuhuon etno inimen At Kristus Yesus awene yig isil nuruk amag ulug minduhup naharusa etno ilitoho,

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

1 Yohanes 4:4

Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.