Kolose 1:24 - Allah Wene Hurumbik Keron

²⁴ Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 1:24 ပူးပေါင်းရင်းမြစ်များ

Markus 10:39

ulug yig isaruk apagma, eke it etanowen yig ituk wilil, “Yu-o, Hat hobam umbukon ari nit ninobam umbuk fano at-o,” ulug uruk apagma, eke At Yesus etnowen yig isaruk wilil, “An nahik honanggo nahukon etno, hit ninim-at nahuk-o. Eke An nobam umbukon ari, hit inim-at hinobam umbuhup oke,

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Roma 5:3

Eke dahon ninobam umburuk nisalug, ninahientoho welahe-o. Eke dahon ninobam umburuk ari fam ninindi bugsoho welamon etno og nisaruk-o.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 12:27

Eke hit epma hinebe dambuksoho At Kristus ebe misig-at wilil, hinebe hinakeleg sik At Kristus ebe atog atog neken welahep-o.

2 Korintus 12:15

Eke ari halug, hit hinindi yabuk suhuken ulug an nebe og hisaruk wilil, nonggareg naharek fam-at onggo bal sahuk-o. Eke anden hit hinebe mondog nindi hunduhuk neyeheg, hiren an dorat hinindi hunduhuk welamuhup ano?

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

Efesus 1:23

Ariroho wereg iseheg, eke At Kristus yi angge di angge obog werehep isarukon epmano At udaki inim wilil inebe misig-at wereg-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 3:13

Eke an hit hinake dahon nobam umburukon ari hinesanggo holtug hinindi oag eleg am fug-o, ulug yig hisaruk ahi-o. Eke hit hinil nealug hinoag weregsoho welamag ulug ariroho welahi-o.

Filipi 3:10

Eke At Kristus ebe niluk welamon etno inim, eke At ebe iluk atlug minapareg fam oag werehon og nisawon etno inim, eke At obam dahon umburusa etno hag an nobam umbukon etno inim,

Kolose 1:18

Eke it At Kristus awene warukon epmano At ebe neken wereg-o. Eke inungguluag ari At Kristus wereg-o. Eke niniluk atukon etno inim alem At Kristus-at wereg-o. At Amloho manggia etno it aphe warehon wereg ambeg epmanowen minapareg, yi angge di angge obog alem at-at wereg-o.

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

Yakobus 1:2

Nomini, hit dahon hinobam umburuk isalug, hinahientoho welamuk-o.