Kolose 1:23 - Allah Wene Hurumbik Keron

²³ Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:23 ပူးပေါင်းရင်းမြစ်များ

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Lukas 6:48

It epmano at ap ibam falsarukon etno ilitoho wereg-o. Eke at ap etno ibam falsiog ulug kwean sega fam ele balepfuruk apareg, o wut etno atog helep fam imbik ambebareg falfag-o. Ariroho falepataruk apagma, ikmuk waharuk wilil, ibam etno sahaloko walug liog ulug suruk apagma, eke ibam etno helep fam oag weregsoho falfahon etno sahaloko walug lebag fug-o.

Yohanes 15:6

Eke at misig An ninim hunduhuk welamuhuk fug halug, e inggik anggen yihiruk elehon baloko hik isarukmu bug atuk etno hag, baloko hik isahu-o. Hik isaruk aruhureg, e inggik balehon epmano nandoloko balurepfulug, hondok nawag ulug yalepfuruk-o.

Kisah Para Rasul 1:25

Ariroho yig nisaruk apmihinmu, at Yudas akeleg sirisireg waratision etno ubulukmu ninim yig isil nuruk amuhuken minduhupfulen-o,” ulug sembahyang ebag.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 2:5

Uruk wilil weregma, eke it Yahudi aphe Allah wene warukon o ahik ya da epmen o Yerusalem wapareg welapahon epmano une etno urukmu holtuk apareg, wonggalik lebag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 26:16

Eke kidia hat hebe minatuk apmihinteg lag-o. Hat hebe An nanggimbu welaruhunen minduhup hahiog ulug hambeg wahi-o. Eke haren o yoho hilanggen neyehenon inim, eke fobik Anden yanggul hiruhukon inim aphe obog yig isil nuruk aruhun-o.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Roma 10:18

Eke ari fam, anden “It aphe epmano inesanggo holtusa fug ano?” ulug hinog waruk nealug, “Eleg-o, inesanggo holtusa at-o,” ulug yig nimuhup-o. Eke alem ari fam Alkitab etnowen yig nisaruk wilil, “It inune epmano o ahik ya da su atisi-o. Eke iren urukon epmano o kweanma obog su atisi-o,” ulug yig nisarukon ari,

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 3:6

Eke hurumbik keron etno yabuk motoho sukag ulug At Allahen ninindi enggatep nisaharisi-o. Eke hurumbik keron yabuk ari, we holal baleg etno akeleg fam suruk ahi fug-o. At Roh Kudus etnowen-at yanggul nisarukmu suruk ahe-o. Eke holal baleg etno akeleg fam, alem dahon etno ninobam umburuk wilil, war ninaptuk oke, At Roh Kudus etnowen ninilukep nisaharuk-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 4:11

Eke an hag nit hinindi yabuk werlek-at sirikik ulug an nakol haruk ahi-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Galatia 5:7

Eke hit bilin At Yesus obam ebetikibon oke, wene demat urukon etno hinesanggo holuk nowen ulug at sen hinindi kahalik waharisi-o?

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 2:21

Eke ariroho weregma, o wut oag etno fam hinibam oag weregsoho wereg hiseheg, aren At Allah ibam sembahyang uruk ambeg ulug fal hisaruk-o.

Efesus 3:17

eke At Kristus obam ebetuk hisalug, At ebe hinindimu welaheg suruk amag ulug an sembahyang uruk ahi-o.

Efesus 4:16

Eke At Kristus etno At udaki inungguluag neken wilil, it At ebe inggik iog neken werehon etno fano dambuksoho wereg isalug, omanggen imbirision etno famen ebe misig-at wereg-o. Ariroho weregma, eke it enggangga epmanowen ineyabuk dombog suruk wilil, it inomini inindi hunduhuk wereg isalug, ebe etno fanoroho su atuk-o.

Kolose 1:25

Ari At Allahen an neyabuk og nepareg fam, Allah wene uruk amon etno sumbut hisaruk ahi-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

1 Tesalonika 3:3

Eke it ninen dahon etno hinobam umbukag ulug, At Allahen arat hurumbik yig hisarisi-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

1 Timotius 1:12

Eke anden yabuk suruk amag ulug At Ninowe Kristus Yesus etnowen oag werehon etno og nitisimu, wa ulug yig ituk ahi-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Titus 3:7

Eke At Yesusen nit ninonggo baltisireg fam, At Allah ninim dambul atukukseg, niniluk welamon etno og nisa­hu-o ulug ninindi ebetuk wilil, niniluk welamon etno huluog ulug suruk ahe-o, ulug wene ari demat yig hirihi-o.

Ibrani 10:38

Eke it An nudaki inobabut fanowon epmano demat ulug buruk amuhup etno fam iniluk welamuhup-o. Eke it An nudakion epmano at misig nambit ulug olohore wilip atuk halug, An nahien hahuk fug-o,” ulug ariroho ebag-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.