Kolose 1:20 - Allah Wene Hurumbik Keron

²⁰ Ari halug, At Allahen yi angge di angge obog epmano nimin dambuluhuken-o, ulug ahla buruk apagma, At Allah Amloho e fam lenggaloko embebagma, warapag etno fam, it apheyen yi dag di dag surukon epmano onggo At Kristusen balfag-o. Eke At Kristusen ariroho sebag etno fam, At Allah yi angge di angge inim, eke yi aphe di aphe inim, eke kweanmon inim, boholmon inim dambulfag-o.

Kolose 1:20 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Lukas 2:14

“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Filipi 2:10

Ariroho minduhupfirisireg fam, it o boholmon inim eke it kweanmon inim eke it kwean apmon inimen At Yesus inuk suontepfuog ulug inindibahal kunuk uhup-o.

Kolose 1:16

At Allah amloho inimen o kweanma boholma yi angge di angge obog wal haruk wilil, yi angge di angge haruk aheon epmano inim, eke haruk ahe fuhon epmano inim, yi angge di angge inahut inim, eke yi ap di ap suon epmano inim wal hebag-o. At Kristus etno inimen wal haruk wilil, eke yi angge di angge epmano At Kristus og iriog ulug wal hebag-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.