Kolose 1:18 - Allah Wene Hurumbik Keron

¹⁸ Eke it At Kristus awene warukon epmano At ebe neken wereg-o. Eke inungguluag ari At Kristus wereg-o. Eke niniluk atukon etno inim alem At Kristus-at wereg-o. At Amloho manggia etno it aphe warehon wereg ambeg epmanowen minapareg, yi angge di angge obog alem at-at wereg-o.

Kolose 1:18 ပူးပေါင်းရင်းမြစ်များ

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Yohanes 1:1

At Allahen o kweanma awan wal haruk eleg heheg, At inuk Wene etno welapag. Wene etno At Allah inim wilil, At ebe ilitoho-at welapag.

Yohanes 1:16

Ariroho yig isebareg fam, At etnowen ninabua haruk wilil, nit obog nintul nantul ahien ninobam umburuk-o.

Yohanes 1:27

Ari halug, At ebe fobik an nombolim waruhuon oke, At iog ahul hele homahowon etno an ap doronen hibiluk ari nakol-o,” ulug yig isebag.

Kisah Para Rasul 26:23

‘At Kristus obam dahon etno umbulug watuk amuhupmu, At Ninowe manggia etno it aphe warehon wereg ambehen iluksoho minatlug, it Yahudi ap inim, eke it Allah wene inapelehon inim obog-at ninili wawon wene etno yig isaruk aruhu-o,’ ulug hurumbik ebahon etno yig hisaruk ahi-o,” ulug at Paulusen yig isarisi. At Paulusen wene ariroho yig isaruk atisimu,

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

1 Korintus 11:3

Eke ari halug hit hiniluk amuhuben wene misig eberihion du yig hisaruk ahi-o. Eke it yi ap di ap epmano inungguluag neken At Kristus akeleg-at wereg-o. Eke it hweap inungguluag neken ari inahuni-at wereg-o. Eke At Kristus ungguluag neken At Allah-at wereg-o.

1 Korintus 12:27

Eke hit epma hinebe dambuksoho At Kristus ebe misig-at wilil, hinebe hinakeleg sik At Kristus ebe atog atog neken welahep-o.

1 Korintus 15:25

Eke At inim healeg werehon obog-at iog apma imbisiog ulug suruk aruhureg, At Kristus etno suon wilil, akelehen-at wene sumbut nisaruk aruhu-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

Efesus 5:23

Eke At Kristus At udaki At ebe neken werehon epmano inili og inapareg fam, At etno it inungguluag neken wereg etno hag, at hwe etno ungguluag neken ahun-at wereg-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 2:19

Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 21:6

eke fobik At etnowen yig nituk wilil, “Arat seg aha-o. Eke huruf Alfa dan Omega ari, alem enggabuk inim An at welahi-o. Eke it ik obok werehon halug, ik ilukon elerukmuen funaltukon etno werlek-at og isa­huk-o.

Wahyu 22:13

Eke An nebe Alfa dan Omega welahi ari, An bilinon inim eke fobikon inim, eke alem inim enggabuk inim An-at welahi-o,” ulug irisi-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,