Kolose 1:14 - Allah Wene Hurumbik Keron

¹⁴ At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Kolose 1:14 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Lukas 5:20

Belapfuruk apagma, At Yesus etnowen At obam eberepfulug walug waharuk enggag isaruk apareg, ap inggik iog oag elehon etno yig ituk wilil, “Namloho-o, hat dag suruk atikinon epmano sohorep isalug, hobam hapelegsoho napma hombahaki-o,” ulug yig ituk apagma,

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 9:12

Eke At Kristus ebe o Aren yabuk suruk ambeg epmano kuruk apareg, o bilin inuk Mondog Usabaharik welapag etno hag wereg ambeg epmano inggik misihim-at mondog mondog kebag-o. Kuruk wilil, Aren Allah ake imbiog ulug wam kambing inim, sapi udag inim inamep walug wapag fug-o. At amep etno-at walug waharuk apareg, nit ninebe ninili oko niniluk mondog welamon etno-at og nisebag-o.

Ibrani 9:22

Eke wene duroho suruk amuk eke duroho suruk am fug ulug ebahon etnowen yig nisaruk wilil, “Yi angge di angge amben inobam werehon epmano wam amep fam ho inaptuk-o. Eke it apheyen dag surukon epmano wam amep-at onggo umbukag-o,” ulug yig nisebag-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Yohanes 1:9

Eke ai Ninikni, nit ninindi dahon at-o ulug Allah yig ituk nisalug, Aren fano hinabuhuk ulug abug yig nisebag etno ilitoho suhu-o. Aren motoho-at suruk halug, dag surukukon epmano ninapelegsoho apma ninombisahaku-o.

1 Yohanes 2:12

Nudaki-o, hit dag suruk ahebon epmano At Kristus inuk fam hinapelegsoho imbisarikip famen, anden holal du bal hisihi-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.