Kolose 1:10 - Allah Wene Hurumbik Keron

¹⁰ Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:10 ပူးပေါင်းရင်းမြစ်များ

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:8

Eke hiren anggen anggolo yihikup epmano fam, An Nikni inuk suontepfuhup-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 4:12

Eke it iniyunggul ambilik balehon etno ari fam at Abraham ninikni ulug wereg eleg-o. Eke at ninetamu Abraham iyunggul ambilik awan baleg eleg wilil At Allah obam ebetuk apag etno hag, it iniyunggul ambilik balehon epmano At Allah obam ebetuk isalug, at Abraham ebe inikni neken wereg-o.

Roma 6:4

Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

2 Korintus 2:14

Eke At Allah wa ulug yig imuk-o. Nit At Kristus ninim wereg nisalug, At Allahen At Kristus suontepfuruk etno hag, nit At mutlug laruk aheon epmano ariroho-at suontep nisaharuk-o. Eke amben fanowon misig halug, it apheyen amben baltuk etno hag, At Kristus awene fanowon etno it obohen iniluk amag ulug At Allahen lahap nisaharuk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

2 Korintus 5:9

eke ninibam duma weregma ano, eke At ninim weregma ano, At etno ahien hawag ulug suruk ahe-o.

2 Korintus 9:8

Eke hit yi angge di angge hinindi buruk ahebon epmano At Allahen obam seberoho og hisiog ulug iluk wereg-o. Eke hit hag yi angge di angge ilitoho wilil, it nin sumbut isaruk amag ulug obam seberoho og hisahu at-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 4:13

Eke ariroho minduhup isarisireg fam, nit obog ninindi ebetuk aheon epmano obog-at dambuksoho misig-at ebetuk wilil, At Allah Amloho etno ebe fanoroho niniluk aruhu-o. Ariroho niniluk aruhumu, nit udag doron neken welaheon epmano sohorep isalug, fobik ninanggohon neken atuk amuhukseg, At Kristus ebe suon fanowon etno obabut ilitoho welamuhuk-o.

Efesus 5:10

Eke hit At Allah ahien hawon etno-at suog ulug hinahla buruk amuk-o.

Efesus 5:15

Ariroho minatlug wereg healug, At Kristusen selegma hombahaku-o,” ulug ariroho Alkitab fam weregma, hiren ninobabut keroho welamuk ulug hinindi fikfag ebetuk amiek-o. Hit it ap inapelehon wereg etno hag welam fug-o. It ap inindi inilukon wereg etno hag welamuk-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Kolose 2:19

Ariroho hondorepfuruk ari At Kristus obam demat ulug ebebukon etno sohorep isalug wereg-o. Eke At Kristus ari ungguluag neken wereg heheg, eke it udaki epmano At ebe neken weregma, At Allahen ebe ari fanoroho su amag-o, ulug uruk halug, omanggen etno fam ebe su aheg, eke oag wereg aheg suruk-o.

Kolose 2:6

Eke hiren Ninowe At Kristus Yesus at-o, ulug awene eberoko warikipseg fam, hinim mondog-at welamuk-o. At Kristus ebe alem neken weregma, hit inggik enggangga etno hinoag weregsoho welamuk-o.

Kolose 3:20

Eke hit inudaki ap angge eke hweap angge halug, hiniknisi hinisasi inune holtuk amiek-o. Eke At Allah ahien hisawag ulug, At Kristus inuk fam hiniknisi hinisasi inune holtuk amuk-o.

Kolose 4:5

Eke it Allah wene awan waruk elehon epmano yig isaruk wilil, kidia yig isuk fano-o, ulug hinahla buhupseg, orog-at yig isaruk amuhup-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

2 Timotius 2:4

Eke ap misig anggimbu ari, at iknien yig itukon etno-at ilitoho sik ulug ahla buruk wilil, yi yabuk di yabuk werlekon sohorep isaruk-o.

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Titus 3:14

Eke it ninomini Allah wene yanggul isarukon etno yuhun-at yabuk seheg eleg welam nowen ulug yi yabuk di yabuk fanowon inim, eke aphe yalmag isarukon etno inim nintul nantul sukag ulug yig isaruk amin-o.

Ibrani 11:5

Eke at Henokh etno hag, indi demat ulug ebetuk apag etno fam, warapag fug-o. Waraheg eleg weregma, At Allahen walug lahabag. Walug lahabareg fam, it apheyen ebe eleg hebag-o. Eke at Alkitab etnowen yig nisaruk wilil, at Henokh etno awan walug lahiog ulug heheg, At Allah ahien neawag ulug suruk apag oke,

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

2 Petrus 1:8

Etno obog-at holaruk amuhukseg, Ninowe Yesus Kristus niniluk wilil, ninim mondog-at sil nuruk amuhuk-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

3 Yohanes 1:6

It Allah udaki epmano hat hindi hunduhuk wilil suruk atikinon etno fano yig nitusa.