Kisah Para Rasul 9:4 - Allah Wene Hurumbik Keron

⁴ Seleg atuk apagma, at Saulus etno kweanma bule amburuk apareg weregma, boholmen une misig yig ituk wilil, “Saulus wai. Hat keroho ulug An nowariog ulug mug naplug wahen-o?” ulug yig itukmu esanggo holtuk apareg,

Kisah Para Rasul 9:4 ပူးပေါင်းရင်းမြစ်များ

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Lukas 10:41

At Ninowe etnowen yig ituk wilil, “Marta wai, hat yi angge di angge anggolo sukon hindi seneni ebetuk ahenon oke,

Yohanes 18:6

Ariroho yig isebag ari, at Yudas Yesus senebukag ulug yonggo lebahon etno inim minduhuk wereg iseheg, At Yesusen An nebe du-at welahi-o, ulug yig isebag. Ariroho yig isaruk apagma, it epmano inahut laruk apareg, inambolhan ying apag.

Yohanes 20:16

Yig ituk apagma, At Yesusen yig ituk wilil, “Maria wai,” ulug yig ituk apagma, hwe etno olohore dahagsoho lahap haruk apareg, it Ibrani inune fam yig ituk wilil, “Rabuni wai,” ulug yig epag ari, eke nit ninune fam, “Nowe yanggul nisarukon wai,” ulug yig epag.

Yohanes 21:15

Eke fobik arat naruk apareg, At Yesusen Simon Petrus etno yig ituk wilil, “Simon, Yohanes amloho du wai. It homini dumen inindi dorat inahien nearuk iseheg, hat hag nobam hindi hunduhuk mondog welahen ano?” ulug yig epag. Yig ituk apagma, at etnowen yig ituk wilil, “Nowe-o, anden Hat hobam nindi hunduhuk welahi etno Hat hiluk-o,” ulug yig epag. Yig ituk apagma, At Yesus etnowen yig ituk wilil, “Ari halug, haren An nanggom domba udaki epmano orom wereg ambeg imbisa laheg suruk amuk-o,” ulug yig epag.

Kisah Para Rasul 5:10

ilfulug neken suruk apareg, at ambeg ying atuk neken warapag. Waratuk apagma, it udag elege epmano kuruk apareg, hwe ebe waraha-o, ulug uruk apareg, hwe ebe walug ahun embebag ambeg epmano salepfik lebag.

Kisah Para Rasul 9:5

at Saulus etnowen yig ituk wilil, “Nowe-o, Hat sen yig nituk ahen-o?” ulug hinog waruk apagma, une yig epahon etnowen uruk wilil, “Haren An Yesus mug naplug wahenon ari farim yig hituk ahi-o.

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.

1 Korintus 12:12

Ap inebe epmano misig-at oke, ininggik iniog wereg-o. Eke ap inebe ininggik iniog sele anggolo wereg oke, inebe misig-at wereg etno ilitoho, At Kristus ariroho misig-at wereg-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

Efesus 5:30

Eke At Kristus ebe etno nit-at welahe-o.