Kisah Para Rasul 9:34 - Allah Wene Hurumbik Keron

³⁴ Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

Kisah Para Rasul 9:34 ပူးပေါင်းရင်းမြစ်များ

Matius 8:3

Yig ituk apagma, At Yesus etno inggik bungsoho sen haruk apareg, yig ituk wilil, “An fano habuk nahla bihireg fam, arat fano amin-o,” ulug yig ituk apagma, ap etno ukmu mondog eleg apag.

Matius 9:6

Eke At Allah Amloho etnowen it apheyen dag suruson epmano sohorep isalug inobam inapelegsoho apma imbisawag ulug minduhupfirision etno hiniluk atlihiben, hit hinil fam misig simin-o,” ulug yig isaruk apareg, eke fobik at ap oag mondog elehon etno yig ituk wilil, “Minatuk apmihinteg, hesabul nohorukon du holalug hibam lag-o,” ulug yig epag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 3:12

It wonggalik kebagma, at Petrusen ilanggen isaruk apareg, yig isaruk wilil, “Hit Israel ap du, keroho ulug hinakol haruk wilil, hinilanggen yet nisaruk ahep-o? At ap iog oag elehon etno fano sehe ari fam hiren it inobabut fano wilil, it inoag fam fano sehesa ulug buruk ahep? Eleg-o, nomini.

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Kisah Para Rasul 3:6

at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 9:33

Bik isa laruk apag, ap misig inuk Eneas iog oag elehon etno tahun sirehen angge uk wareg weregma ha lebag.

Kisah Para Rasul 9:35

Minatuk apagma, it o Lida Saron aphe epmanowen inilanggen haruk apareg, Ninowe Yesus awene etno webag.