Kisah Para Rasul 9:20 - Allah Wene Hurumbik Keron

²⁰ it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Kisah Para Rasul 9:20 ပူးပေါင်းရင်းမြစ်များ

Matius 27:43

Eke At etnowen Allah obam ebetuk wilil, An nebe Allah Amloho-at ulug uruk oke, At ebe etno kidia At Allahen ili waruk nit ninilanggen hulen-o,” ulug yamintal neken enggali wapag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.

Yohanes 20:28

Yig ituk apagma, at Tomas etnowen yig ituk wilil, “Hat Nowe, Allah-at welahen hiyihi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Kisah Para Rasul 13:14

Laruk apagma, eke it nin epmano o Perga epmanowen o Antiokhia Pisidia etno wapag. Waharuk apareg, o hari Sabat fam it o Allah wene uruk ambeg etno kuruk apareg, horie ebag.

Kisah Para Rasul 13:33

Eke misig Mazmur dua fam wene holal embebahon etno yig hisaruk ahi-o, ‘Eke o yoho Hat hebe An Hiknien endohop hahakireg fam, Hat hebe An Namloho-at welahen-o,’ ulug At Allahen Yesus farim ebag etno hiniluk-o.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:5

Kuruk apareg, eke fobik o Salamis etno wapag. Waharuk apareg, it Yahudi ap wereg ambeg epmano at Yohanes Markus etno inim Allah wene yig isebag.

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 16:13

Waharukukseg, nininggik dorat ninim wilil o sembahyang fam o sili etno sohorep isalug, it Yahudi ap ninim sembahyang uog ulug, o ik ayegma epmano amburukuk. Amburuk atukukseg, horie ulug weregma it hweap epma wonggaltuk atusama, ninim wene urukuk.

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:17

Ambit atuk atisireg, it Yahudi ap o Allah wene uruk ambeg etno kuruk atisireg, it Yahudi ap inim, it Allah wene warukon nin inim, it onggo hundutuk ambeg nintul nantul waharuk atuson epmano inim wene yig isarukmu, iren onggo yig ereheg suruk atusa.

Kisah Para Rasul 17:2

at Paulus bilin sirisi etno hag, it o Allah wene uruk ambeg etno kirisi. Kuruk atisireg, sembahyang henahan wilil it aphe epma wene yig isarukmu, eke iren onggo yig ereheg suruk atusareg,

Kisah Para Rasul 18:19

Ariroho suruk atisireg, eke fobik o Efesus larusa. Laruk atusareg, at Paulus etno it Priskila Akwila sohorep isalug, it o Allah wene uruk ambeg etno kuruk atisireg, inim wene uruk atusa.

Kisah Para Rasul 18:4

Og ituk atusareg weregma, at Paulus etno it Yahudi ap inim, it Yunani ap inim, wene wawag ulug nintul nantul it Yahudi ap o Allah wene uruk ambeg epmano kuruk atisi.

Kisah Para Rasul 19:8

Uruk atusama, at Paulus etno it o Allah wene uruk ambeg kuruk atisireg, bikalem henahan wilil, it aphe epmano At Allah weregma welamon wene etno wawag ulug yig isarukmu, iren onggo yig ereheg, suruk atusa.

Kisah Para Rasul 8:36

Yig ituk apagma, it etano kwalema laruk wilil, ik namut misig kwalema yenggelegma inilanggen haruk apareg, at ap suon etnowen Filipus yig ituk wilil, “Ik du hilanggen himin-o. Eke ik du fam an ikma belap nabuk dag buruk ahen ano?” ulug yig ituk apagma,

Kisah Para Rasul 8:37

at Filipus etnowen yig ituk wilil, “Eleg-o, hat hindimu demat ulug ebetuk ahen halug, ikma belap habuk fano at-o,” ulug yig ituk apagma, at ap etnowen yig ituk wilil, “An At Yesus Kristus Allah Amloho etno demat ulug nindi ebetuk ahi-o,” ulug yig epag.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Galatia 1:16

Wol naptuk atisireg, eke anden At Kristus awene fano wene etno it aphe Allah wene inapelehon epmano yig isil lawag ulug At Amloho awene etno obog-at bukaloko yig nituk atisi-o. At Allahen ariroho yig nituk heheg, eke an ap misihen yanggul nemag ulug aphe inambeg larikik fug-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Wahyu 2:18

Eke fobik an yig nituk wilil, “At it jemaat o Tiatira aphe inaso werehon etno og emag ulug holal duroho imbimihin-o: At Allah Amloho ilanggen hondok ambulpul neken yibatuk wilil, eke iog fam abikag surukon etnowen yig hisaruk wilil,